Business Magazine dhe Said Duleviç sjellin edicionin e parë të Future Fridays, një format i ri mbi inovacionin, trendet dhe edukimin
Dje u transmetua episodi i parë i Future Fridays, një nismë e re në partneritet mes Business Magazine dhe Said Duleviç, e cila synon të sjellë në vëmendje trendet më të fundit në teknologji, biznes dhe inovacion. Ky format sjell çdo javë analiza mbi zhvillimet më të rëndësishme që prekin ekosistemin shqiptar dhe më gjerë, duke ofruar një perspektivë të re mbi temat më të diskutuara.
Lexo edhe:BusinessMag & Said Duleviç prezantojnë “Future Fridays” – Edukim, Inovacion, Trende!
Në episodin e parë të Future Fridays, fokusi ishte mbi tre tema kryesore që kanë tërhequr vëmendjen e publikut dhe industrisë:
- Shqipëria si një nga top destinacionet turistike për 2025 – Prestigjiozja New York Post ka renditur Shqipërinë si një nga perlat turistike të Adriatikut që do të dominojë tregun evropian në vitin e ardhshëm. Artikulli analizon se çfarë e bën vendin tonë kaq tërheqës për turistët dhe si mund të kapitalizohet ky moment për rritjen e industrisë turistike. Lexo më shumë.
- DeepSeek dhe ndikimi i tij në inovacion dhe investime në AI – Në një zhvillim që ka habitur liderët e teknologjisë, DeepSeek po ndryshon mënyrën se si zhvillohet dhe përdoret inteligjenca artificiale, duke krijuar një sfidë të fortë për gjigantët si OpenAI. Diskutimi u përqendrua në pasojat që kjo teknologji mund të ketë për industrinë e AI dhe nëse DeepSeek përbën një kërcënim të vërtetë për inovacionin global. Lexo më shumë dhe këtu.
- Innovation Hub Tirana: Një habitat për krijimtarinë dhe teknologjinë – Kryeqyteti shqiptar ka tashmë një hapësirë të dedikuar për inovacionin dhe teknologjinë. Innovation Hub Tirana synon të shndërrohet në një qendër për startup-et, sipërmarrësit dhe profesionistët e teknologjisë, duke krijuar një ekosistem të pasur për zhvillimin e ideve të reja. Diskutimi në episodin e parë të Future Fridays vuri në pah mundësitë që ofron ky hapësirë për ekosistemin e startup-eve në vend. Lexo më shumë.
Me një format dinamik dhe të përditësuar, Future Fridays premton të bëhet një burim kyç për të gjithë ata që duan të jenë të informuar mbi risitë më të rëndësishme në botën e teknologjisë, biznesit dhe inovacionit. Episodi i ardhshëm do të vijë këtë të premte me tema të reja dhe tërheqëse.
Për më shumë detaje dhe për të mos humbur asnjë episod të Future Fridays, qëndroni të lidhur me Business Magazine dhe Said Duleviç.
Na ndiqni çdo të premte në orën 17:00 në Instagram, Facebook, Linkedin, TikTok & YouTube për përmbledhjen tuaj javore të inovacionit!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
