Epic Games i ka kërkuar ndihmë gjykatës, që të ndalojë hakmarrjen e Apple kundër lojës “Fortnite” dhe ta rikthejë atë në App Store.
Epic e përshkruan Apple si monopol, që mban pozitat dominuese duke bllokuar konkurrencën në shpërndarje aplikacionesh, por edhe sistemet e përpunimit të pagesave.
Epic thotë se rrezikon të pësojë dëm të pariparueshëm nëse Fortnite nuk rikthehet në App Store duke cituar se numri i përdoruesve ditore të lojës në iOS ka rënë me 60% që kur u dëbua.
Lexoni: Apple dhe Google përjashtojnë lojën Fortnite, përdoruesit nuk mund ta instalojnë
Fortnite lançoi një sistem pagesash direkte në mesin e muajit Gusht duke anashkaluar sistemin e Apple. Gjigandi i iPhone reagoi duke e dëbuar aplikacionin nga App Store për shkelje të politikave të përdorimit.
Epic ka refuzuar të tërhiqet nga vendimi ndërsa Apple nuk e lejon të hyjë në App Store përsa kohë ekziston sistemi i pagesave direkte. Madje Apple tha se ishte gati të mirëpriste Fortnite në App Store nëse eliminon opsionin e pagesave direkte.
Lexoni: Facebook, Spotify dhe Epic Games qortojnë Apple për tarifën e App Store
Padia e radhës që Epic bëri shkoi në Gjykatën e Kalifornisë ndërsa dëgjesa do të bëhet më 28 Shtator.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
