Endrit Rushiti nga Kumanova, sjell aplikacionin që i sfidon njerëzit për mbrojtjen e ambientit


Endrit Rushiti sapo ka lançuar aplikacionin e tij të ri “Applinka”. Në këtë aplikacion, nëpërmjet aktiviteteve si: ecja, vrapimi, mbjellja e pemëve, riciklimi, pastrimi i parqeve apo vendeve publike, ju mund ti sfidoni të afërmit dhe shokët për të garuar me këto aktivitete.

Applinka, deri më tani është shkarkuar nga 7,000 përdorues.

E veçanta e këtij aplikacioni është se njerëzit mund të socializohen mes vete dhe ta mbajnë shëndetin e trupit në nivel gjatë pjesëmarrjes në këto sfida.

Sfiduesi vendos dhe një shpërblim, të cilin në fund të sfidës humbësi duhet t’ia paguajë fituesit, dhe kjo është pjesa zbavitëse.

Ekipi i aplikacionit Applinka ka marrë pjesë në dy gara. Fillimisht në një hackathon nga Fondi Europian i Ballkanit dhe pastaj në Garën Interkontinentale për aplikacionet mobile në Salzburg të Austrisë.

Në të dy garat ka dalë fitues.

Endriti planifikon që aplikacionin ta shndërrojë në një organizatë, për t’i inkurajuar njerëzit të ruajnë ambientin.

Ky është aplikacioni i dytë i Endritit, të cilin mund ta shkarkoni në Google Play. Më herët ai ka zhvilluar edhe aplikacionin ‘Movies Diary’, një ditar i filmave.

Aplikacioni të lejon të bësh një listë të filmave që keni në plan ti shikoni dhe në momentin që i shikoni mund të shkruani një vlerësim për atë film dhe ta ruani përgjithmonë në ditarin tuaj.

Pastaj mund të bësh krahasime me shokët rreth ndonjë filmi.

Aplikacioni ka mbi 5000 instalime dhe rreth 90% e përdoruesve janë nga Shtetet e Bashkuara të Amerikës.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale