Ende e përdorni Facebook? 3 mënyra për t'u siguruar që ai nuk po ju dëgjon - Business Magazine Albania

Ende e përdorni Facebook? 3 mënyra për t’u siguruar që ai nuk po ju dëgjon

dëgjon

Kompanitë e teknologjisë kanë pranuar se asistentët inteligjentë i dëgjojnë gabimisht komandat më shpesh sesa do të donte secili prej nesh. Kështu që në këtë mënyrë lind nevoja që të ndaloni ndihmësit tuaj inteligjentë të dëgjojnë atë që thoni, aksidentalisht apo jo.

Po në lidhje me aplikacionet në telefonat tanë ose faqet e internetit që hapim në kompjuterët dhe tabletët tanë? Kjo përgjigje varet nga lejet (premissions) që ju keni dhënë.

Nëse doni të ndiheni vërtet të sigurtë që “veshët dixhitalë” nuk po vëzhgojnë, duhet të zhyteni në cilësimet tuaja.

  1. Ndryshoni të drejtat që ju keni dhënë pajisjeve/aplikacioneve tuaja

Para se të futemi në hapat konkretë, le të jemi të qartë. Facebook thotë se nuk përgjon. Në vitin 2016, kur po qarkullonin zëra se Facebook dëgjon bisedat tona, ai tha se përdor mikrofonin vetëm kur ne e lejojmë atë. Facebook tha se nuk e përdor atë për t’i shërbyer reklamave ose përmbajtjes.

Si të kontrolloni lejën e mikrofonit të Facebook në iPhone:

  • Hapni Settings, lëvizni poshtë te aplikacionet tuaja dhe zgjidhni Facebook.
  • Do të shihni një listë të lejeve që keni dhënë. Rrëshqiteni çelësin pranë Microphone në të majtë për ta çaktivizuar atë.

Ja se si të kontrolloni cilësimet e mikrofonit në një Mac:

  • Klikoni menunë Apple, më pas System Preferences.
  • Zgjidhni Security & Privacy, më pas hapni skedën Privacy. Zgjidhni Microphone.

Të gjitha aplikacionet që kanë akses në mikrofonin tuaj do të renditen këtu. Ndryshoni rrëshqitësit e aplikacioneve që dëshironi të anulloni në të majtë për t’i çaktivizuar.

Lexoni: Trump ka gati platformën e tij sociale: Rivalizojmë Facebook dhe Twitter

Për të kontrolluar se në çfarë ka akses Facebook në Android:

  • Klikoni Settings, më pas Apps & notifications.
  • Shkoni poshtë në Facebook > Permissions. Aty do të shihni një listë të të gjitha lejeve të kërkuara nga Facebook.

Së fundi, kontrolloni për të parë se cilat aplikacione ose programe kanë qasje në mikrofonin tuaj në një kompjuter me Windows 10:

  • Klikoni në butonin Start> Settings> Privacy.
  • Në menunë në të majtë nën App permissions, klikoni Microphone.

Opsioni i parë, “Microphone access for this device”, është një cilësim në të gjithë sistemin. Nëse e fikni këtë, asnjë aplikacion nuk mund të hyjë në mikrofonin tuaj. Duke shkuar pak më poshtë, do të shihni një listë të aplikacioneve të Microsoft Store që mund të përdorin mikrofonin. Ndryshoni rrëshqitësin për të aktivizuar ose çaktivizuar lejën.

Seksioni tjetër shfaq aplikacionet e desktopit që kanë leje për mikrofonin. Nëse e vizitoni Facebook në shfletuesin tuaj të internetit, kjo do të thotë që ju duhet të merrni parasysh nëse duhet të çaktivizoni aksesin e mikrofonit në shfletuesin tuaj ose të paktën që faqet të kërkojnë leje çdo herë.

  1. Merrni një bllokues mikrofoni

Nëse doni të shkoni një hap më tej, mund të bllokoni plotësisht mikrofonin tuaj. Ka pajisje që nuk lejojnë të dëgjoheni dhe bllokojnë çdo regjistrim akustik.

  1. Ose bëni bllokuesin tuaj të mikrofonit

Dëshironi një metodë të lirë dhe të lehtë për të bllokuar audion? Merrni një palë kufje të lira dhe prisni kordonin pranë folesë. Tani, futeni atë në kompjuterin ose telefonin tuaj pa u shqetësuar për hyrjen e zërit.

/msn

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0