Më shumë se 50 emoji të rinj do të bëhen pjesë e pandarë gjatë 2019, bazuar në listën përfundimtare të miratuar nga Konsorciumi Unicode. Unicode është përgjegjës për përcaktimin se cilët emoji do të bëhen pjesë e të gjitha platformave, duke filluar që nga pajisjet iOS, Android si dhe kompjuterët.
Lexoni: Ngjitsat, emoji-t që flasin shqip
Shumë nga ikonat e reja janë të lidhura së bashku me temën e përfshirjes dhe diversitetit, duke futur emoji për njerëzit e shurdhër, të verbër, njerëzit në karrige me rrota dhe ata me gjymtyrë proteze. Përditësimi i këtij viti do të lejojë përdoruesit të zgjedhin racën dhe gjininë e të dy personave kur zgjedhin një emoji që përfshin një çift. Unicode paraqiti për herë të parë emoji-t, ku mund të zgjidhje tonin e lëkurës në vitin 2015, por përdoruesit ishin të limituar vetëm në emoji heteroseksualë për çiftet dhe mund të zgjidhnin vetëm çifte me ngjyrë të njëjtë të lëkurës.
Ndërsa ekzistojnë 59 emoji të ndryshëm, në total duke përfshirë ndryshimet për ngjyrën e lëkurës dhe gjininë përbëjnë 230 imazhesh individuale. Pritet që secila kompani të zgjedhë se kur do të prezantojë versionin e vet të emoj-ve të rinj. (Apple do të shtojë emoji e rinj në pajisjet e saj iOS me një përditësim në vjeshtë.)
burimi: businessinsider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
