Emigrantët, sa të rëndësishëm janë ata për ekonominë e një vendi?

Ndërsa Administrata Trump po përpiqet të ulë numrin e emigrantëve ligjorë që lejohen të qëndrojnë në SHBA, është e domosdoshme të theksohet se Amerika është një vend emigrantësh. Më shumë se gjysma e 25 kompanive më të vlefshme të teknologjisë në SHBA dhe botë kanë një themelues që është një amerikan i gjeneratës së parë ose të dytë.

Lexoni: 10 VENDET MË TË MIRA NË BOTË PËR TË PUNUAR DHE JETUAR SIPAS EMIGRANTËVE

Të 13 kompanitë më poshtë kishin të paktën një themelues që ishte gjenerata e parë ose e dytë, që do të thotë se emigrimi u mundësoi atyre të nisin kompanitë e tyre në SHBA. Së bashku, këto kompani aktualisht arrijnë vlerën e më shumë se 3 trilionë dollarë duke punësuar më shumë se 1.5 milionë njerëz deri vitin e kaluar.

Ndërsa këto kompani zhvillohen, po shtojnë më shumë vende pune, shumë prej të cilave shkojnë tek amerikanët. Alphabet, i bashkë-themeluar nga Sergei Brin, i lindur në Rusi, ka dyfishuar numrin e punëtorëve deri në 75,000 që nga viti 2013. Facebook rriti numrin e punonjësve me 43% këtë tremujor krahasuar me të njëjtën periudhë të vitit të kaluar.

Në raportin e këtij viti, Kleiner Perkins Caufield & Byers Mary Meeker diskutoi se sa emigrantë kanë kontribuar në inovacionin e teknologjisë. Duke gjykuar nga vlerat e fundit të tregut dhe punësimit të kompanive të themeluara nga emigrantët, ky kontribut po vazhdon.

Lexoni: Rriten bizneset e emigrantëve shqiptarë përtej Adriatikut, Italia shumë më mikpritëse sesa Shqipëria

Më poshtë jepet grafiku i punonjësve të këtyre kompanive në vitin 2016 (hera e fundit që të gjithë kanë raportuar numrin e të punësuarve):

burimi: recode