Emigrantët dërguan 64 milionë euro më pak gjatë pandemisë

emigrantët

Pandemia ka ndikuar negativisht në ekonominë globale. Dërgesat e emigrantëve dhe investimet e huaja direkte u tkurrën ndjeshëm në tremujorin e dytë të këtij viti, duke reflektuar efektet e pandemisë së Covid-19 në ekonominë shqiptare.

Të ardhurat për familjet në nevojë nga të afërmit që punojnë jashtë vendit ishin 121 milionë euro për periudhën Prill-Qershor të këtij viti, duke u tkurrur me 64 milionë euro krahasuar me të njëjtën periudhë të një viti më parë.

Ulja e remitancave reflektoi situatën e krijuar nga pandemia në shtetet, ku Shqipëria ka numrin më të lartë të emigrantëve: Itali, Greqi, Gjermani, SHBA, Francë dhe Britani.

Lexoni: Një bankë në Wall Street do të drejtohet për herë të parë nga një grua

Për herë të parë që prej vitit 2018 edhe investimet e kompanive të huaja në Shqipëri u tkurrën, por norma e rënies së tyre rezultoi më e butë se ajo e remitancave.

Sipas të dhënave të Bankës së Shqipërisë për gjysmën e parë të vitit, investimet e huaja direkte rezultuan 454 milionë euro, nga 546 milionë që ishin në gjysmën e parë të 2019-s.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale