Pronari i rrjetit social Twitter, Elon Musk, ka kërcënuar sot se do të ngrejë padi kundër kompanisë Microsoft, pasi akuzoi gjigantin e teknologjisë për përdorimin e të dhënave të Twitter pa leje.
“Ata u trajnuan ilegalisht, duke përdorur të dhënat e Twitter. Është koha për të paditur”, shkroi Musk në Twitter, duke iu referuar përdorimit të aplikacionit Twitter nga Microsoft për të trajnuar programet e inteligjencës artificiale.
Musk e bëri deklaratën pasi Microsoft njoftoi se do të heqë Twitter nga platforma e saj e reklamave të korporatave.
Lexo edhe: Microsoft përballet me një padi të trefishtë për blerjen e gjigandit të video-lojërave
Më herët, Microsoft njoftoi se platforma e saj e reklamave nuk do të mbështesë më Twitter nga e marta e javës së ardhshme, që do të thotë se blerësit e reklamave nuk do të jenë në gjendje të hyjnë në llogaritë e tyre Twitter përmes mjetit të menaxhimit të rrjetit social të Microsoft, sipas BBC.
Nga ana tjetër, Microsoft deklaroi se kanale të tjera si Facebook, Instagram dhe LinkedIn mbeten të disponueshme në platformën e tyre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English