Elon Musk rastësisht dha një kontribut masiv në një fushatë të mbjelljes së pemëve në YouTube, duke njoftuar dhurimin përmes një tweet-i.
Musk premtoi të dhurojë një milion pemë në #TeamTrees, një fushatë e filluar nga YouTuber-i Jimmy Donaldson, i njohur ndryshe si “MrBeast”. Gjiganti i teknologjisë pa fushatën ditën e hënë dhe iu përgjigj tweet-it të Donaldson duke e quajtur fushatën “fantastike” dhe duke pyetur “ku do të mbillen pemët” dhe “çfarë lloj pemësh”.
Lexoni: Edhe liderë si Elon Musk kanë rënë viktimë e bullizmit
Pas shpjegimit, Musk u përgjigj të martën: “Mirë, tingëllon legjitime, do të dhuroj 1M pemë.”
Donaldson u përgjigj në tweet e Musk, duke e quajtur atë “Treelon Musk”, gjë e cila bëri që CEO i Tesla të ndryshojë emrin e tij në Twitter në “Treelon” dhe të vendosë në foton e tij të profilit një imazh të një pylli.
Drejtori i Përgjithshëm i Twitter, Jack Dorsey dha gjithashtu një kontribut të rëndësishëm në fushatë, duke dhuruar 150,000 pemë për kauzën e mbjelljes së pemëve. YouTube po planifikon gjithashtu që të dhurohen akoma më shumë pemë në të ardhmen përmes butonit të dhurimit në YouTube.
Lexoni: Elon Musk lajmëron zgjerimin e kompanisë Tesla në vendet e Ballkanit
Ndjekësit e mediave sociale të Donaldson e sfiduan atë në maj të vitit 2019 për të mbledhur para për të mbjellë 20 milionë pemë deri vitin e ardhshëm për të përkujtuar arritjen historike të 20 milionë subscribers të tij në Youtube.
Donaldson bashkëpunoi me Fondacionin Arbor Day, një OJQ për kauza të tilla. Sipas website të fushatës, një dollar është ekuivalent me një pemë dhe çdo pemë do të “mbillet në një larmi pyjesh në tokat publike dhe private në zona me nevojë të madhe”.
Ndër dhuruesit e mëdhenj (përveç Musk) janë ish-inxhinieri i NASA-ës Mark Rober dhe bukuroshja e YouTuber Jeffree Star. Muzikanti Alan Walker dhuroi 100,001 pemë në përpjekje për të kapërcyer vendin numër një, i cili u mbajt nga Donaldson për të sfiduar donatorët për kontribute më të mëdha.
burimi: BusinessInsider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English