Edhe liderë si Elon Musk kanë rënë viktimë e bullizmit
Përditësuar së fundmi: 22/10/2019

Edhe liderë si Elon Musk kanë rënë viktimë e bullizmit

Share
nga Eridon Elshani
Tet 22, 2019
-Manages Business Mag Kosovo
lexo me teper >

Bullizmi në vendin e punës mund të jetë shkatërrues, duke kontribuar në rritjen e madhe të stresit. Dhe për fat të keq, nuk është diçka e re në vendin e punës - 60.3 milion punonjës amerikanë thonë se janë ndikuar nga bullizmi. Dhe edhe më keq, shumica e këtij bullizmi (61 për qind) vjen nga shefat e dobët.

Por Randy Ginsburg, autor i librit Nga Vështirësia në Avantazh: Si ta Tejkaloni Bullizmin dhe Të Gjeni Suksesin si Sipërmarrës, thotë se udhëheqësit mund ta shndërrojnë bullizmin në një përvojë pozitive.

Lexoni: Ja çfarë i demotivon punonjësit e rinj

Gati gjysma e njerëzve të prekur nga bullizmi ja dalin të mbijetojnë.

Kjo përvojë nuk është aq e izoluar sa mund të mendoni. Në një studim të psikologut Dr. Ellen deLara me 900 të rritur të moshës 18 deri në 65 vjeç që kishin provuar bullizmin e adoleshencës, pothuajse gjysma thanë që bullizmi përfundoi të ketë një efekt pozitiv. Më konkretisht, bullizmi i ndihmoi ata të zhvilloheshin më shumë në:

Rezistencë / Pavarësi – për 14 për qind

Empati – 11 për qind

Moral – 11 për qind

Arritje të qëllimeve – 7 për qind

Si të tejkaloni përvojën tuaj të bullizmit?

Ginsburg thotë se stërvitja e vetes për të qenë optimist dhe elastik është gjëja më e rëndësishme për të përdorur bullizmin në avantazhin tuaj. Merreni në konsideratë burimin e bullizmit tuaj dhe thuajini vetes “Ai person nuk më njeh mua” për të injoruar çfarë thonë ose bëjnë ndaj teje.

Është gjithashtu e rëndësishme të gjeni njerëz që mund t’ju mbështesin, duke përfshirë këtu këshilltarët dhe terapistët. Njerëzit e tjerë shpesh trajtohen keq ashtu si ju, prandaj edhe ata mund të kërkojnë dikë që të flasë në lidhje me të, gjithashtu. Por, mbani mend se të jesh i famshëm nuk do të thotë domosdoshmërisht i lumtur dhe përqendrohuni në cilësinë e marrëdhënieve tuaja, jo në sasinë.

“Dy lidhje të forta, pa gjykime, ku emocionet mund të ndahen lirshëm me njëri-tjetrin janë shumë më të vlefshme se 20 marrëdhënie sipërfaqësore,” pohon ai.

Dhe Ginsburg thekson se ju mund ta tejkaloni traumën e bullizmit edhe kur mbështetja është e ulët, nëse gjeni një mënyrë për të shprehur atë që mendoni dhe ndjeni. Duke punuar në diçka që ka kuptim mund t’ju tregojë se keni qëllime në jetë dhe kjo është vërtetuar se është një mënyrë efektive për të përballuar dhe tejkaluar bullizmin.

Ginsburg gjithashtu ka zhvilluar një sistem të quajtuar INVENT, i krijuar për t’i udhëhequr njerëzit drejt suksesit.

I (unë) – Vendosni Identitetin tuaj. Kush jeni ju? Çfarë besoni? Për çfarë doni të kujtoheni?

N – Zhvilloni Nervin tuaj. Dhimbja dhe vështirësia janë të pashmangshme në rrugën e suksesit. Përdoreni atë si një mënyrë për të zhvilluar një lëkurë të fortë dhe për t’u bërë rezistent.

V – Vizualizoni qëllimet tuaja. Çdo sipërmarrës i suksesshëm ka një vizion konkret në mendjen e tij. Trajnoni mendjen tuaj për të “parë imazhin” e çfarëdo qëllimi ambicioz që mund të keni dhe vendosni standarde të qëndrueshme për të ndjekur progresin tuaj.

E – Engage (Lidhuni) me të tjerët. Biznesi është një sport ekipor. Mësoni të bashkëveproni me të gjitha llojet e njerëzve dhe të ndërtoni inteligjencën tuaj emocionale. Pas çdo kompanie të madhe fshihet një lider i shkëlqyeshëm.

N – Now (E tashmja) Përqafoni të tashmen. Interneti ofron mundësi të mëdha për të fituar para nga biznesi juaj. Përdoreni, mos lejoni që t’ju përdorë juve.

T – Take the Third Door (Hyni në Derën e Tretë), ndërtoni besim për të marrë rreziqe. Biznesi kërkon vetëbesim, sakrificë dhe një aftësi për të gjetur paqen brenda pasigurisë. A jeni i gatshëm të bëni këtë?

Më në fund, si lider shikoni inteligjencën emocionale si një domosdoshmëri po aq kritike sa intuita dhe aftësitë teknike. Ju mund të jeni ai që i ndihmon të tjerët të tejkalojnë vështirësitë e tyre.

“Investoni kohë për të njohur ekipin tuaj, cilat janë qëndrimet e tyre dhe si punojnë ata,” këshillon Ginsburg. “Tani më shumë se kurrë, mirësia dhe respekti janë shumë të rëndësishme.”

Inc



Evente

Një hap drejt Suksesit!

Dhjetor 14, 2019
09:00 - 17:00