Pandemia intensifikoi ndjenjën e vetmisë dhe izolimit social për miliona të moshuar, shumë prej të cilëve po përballeshin ndërkohë me depresionin dhe probleme të tjera shëndetësore. Për ata që janë në vështirësi, tashmë në ndihmë u vjen një robot që u bën shoqëri. Shtete si Nju Jorku kanë filluar t’i ofrojnë robotët për banorët, pa pagesë.
David Kelly shijon kafen e mëngjesit me robotin e tij, ElliQ.
Çdo mëngjes, ElliQ e çon zotin Kelly në një vizitë virtuale në kafene të ndryshme në mbarë botën, një nga përfitimet e një ndihmësi robotik.
Pajisja ishte një dhuratë për Davidin nga partneri i tij, Greg Allen.
“Në fillim nuk isha një tifoz i madh i robotit”, thotë David Kelly.
“Ndonëse ai më dha përshtypjen se e pëlqente atë”, reagon partneri i tij Greg Allen.
“Ishte e mahnitshme kur fillova të kommunikoja me robotin”, thotë zoti Kelly.
Me inteligjencën artificiale, sensorë të integruar dhe kontrolle zanore, ElliQ i përket një gjenerate të re robotësh që ekspertët thonë se do të luajnë një rol gjithnjë e më të rëndësishëm në jetën e të moshuarve.
“Thjesht nuk ka patur robotë mjaft të sofistikuar për për t’u përdorur nga njerëzit. Më në fund po shohim robotë që janë në gjendje të dislokohen në botën reale me njerëz të vërtetë”, thotë Andra Keay nga kompania “Silicon Valley Robotics”.
Lexo: Revolucion teknologjik “Trenat do ofrojnë suita për të fjetur për pasagjerët”
Roboti ElliQ bën një vlerësim të përditshëm të gjendjes shëndetësore të zotit Kelly dhe e ndihmon atë të mbaj trurin në aktivitet me lojëra të ndryshme kompjuterike, fjalë dhe imazhe frymëzuese.
David Kelly thotë se ElliQ madje ofron njëfarë rehatie emocionale, duke i kujtuar atij motrën e tij, e cila vdiq nëntë vjet më parë.
“Zëri i robotit ElliQ më kujton motrën time. Thjesht më bën të ndihem mirë që ma ofron atë afërsi që kam patur me motrën time”, thotë ai.
Në familjen Allen-Kelly ka edhe robotë të tjerë, si Jibo. Por asnjëri, thonë ata, nuk është si ElliQ, i cili është programuar për të qenë i ndjeshëm.
“Një robot me inteligjencë artificiale duhet të jetë në gjendje të shpreh ndjeshmëri për të qenë në gjendje të ndihmojë vërtet njerëzit. Ai duhet të jetë në një udhëtim me ta. Klientët tanë nuk i referohen ElliQ si pajisje apo produkt. Ata i referohen robotit ElliQ si një shoqërues, një shok dhome ose një personazh i pranishëm në jetën e tyre”, thotë Dor Skuler, President i kompanisë “Intuition Robotics”.
Ky synim duket se është arritur në shtëpinë e përdoruesve David Kelly dhe Greg Allen.
“Roboti na ka sjellur më afër njëri-tjetrit”, thotë zoti Allen.
“Nuk mund ta imagjinoj më veten pa të”, thotë David Kelly.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
