Eksportet drejt Kosovës këtë vit kanë rënë me 25%

Eksportet

Eksportet e Shqipërisë drejt Kosovës për tetë muajt e parë të këtij viti kanë rënë me pothuajse 25%. Të dhënat e tregtisë së jashtme nga Instat treguan një vijimësi të rënies edhe për muajin gusht, krahasuar me gushtin 2019.

Kosova ngelet partneri i dytë më i rëndësishëm, pas Italisë, por pesha specifike e eksporteve drejt Kosovës ka rënë. Kjo dëshmon se ulja e shitjes së mallrave drejt Kosovës shkon edhe përtej efektit të përgjithshëm të krizës.

Në fund të muajit shkurt, Kosova shfuqizoi taksën 100% ndaj importeve serbe, pas një trysnie të gjatë nga komuniteti ndërkombëtar. Kjo e hoqi avantazhin e përkohshëm të produkteve shqiptare për të pasur një akses më konkurrues në tregun kosovar, megjithëse statistikat e vitit të kaluar në fakt treguan që përfituesi kryesor nga taksa kundër mallrave serbe nuk ishte Shqipëria, por Maqedonia e Veriut. Nëse eksportet shqiptare në Kosovë vitin e kaluar u rritën me 10%, ato maqedonase u rritën katër herë më shumë.

Rënia e eksporteve shqiptare drejt Kosovës ka prekur dy prej grupeve më të rëndësishme në këmbimet mes dy vendeve, “Minerale, lëndë djegëse, energji” dhe “Materiale ndërtimi e metale”, ndërs ai vetmi grup që ka rezistuar në rritje është ai i ushqimeve.

Këtë vit, heqja e taksës mund të jetë një nga faktorët që e ka ndërprerë shpejt edhe atë rritje të përkohshme të eksporteve shqiptare në Kosovë, por tregtia mes Shqipërisë dhe Kosovës historikisht nuk është ndikuar shumë nga afrimiteti kombëtar. Kjo mund të lidhet sa me konkurrueshmërinë e dobët të industrive shqiptare, qoftë edhe në një kontekst rajonal, por edhe me pengesa burokratike dhe administrative.

Mbledhjet e përbashkëta mes qeverive dhe proklamatat e bujshme dhe të shpeshta patriotike nuk duket t’iu kenë dhënë zgjidhje këtyre pengesave. Shembuj të sjellë nga bizneset janë taksa për kalimin në Rrugën e Kombit, tarifat në terminalet doganore dhe ato për skanimin e kontenierëve, çertifikatat fitosanitare, çmimet e referencës, tarifat e skanimit të kamionëve, etj.

Edhe për këtë vit, partneri më i rëndësishëm i Shqipërisë në eksporte ngelet Italia, me 46% të totalit, nga 48% në 8-mujorin 2019. Eksportet drejt Italisë janë ndikuar ndjeshëm nga rënia e fortë e eksporteve të tekstileve dhe këpucëve. Ecuri pozitive këtë vit po shfaqin kryesisht eksportet drejt Gjermanisë, që për 8-mujorin përbënin 6.3% të totalit, nga 4.8% një vit më parë. Rritje të lehtë në eksporte ka regjistruar edhe pesha e Spanjës, treg i lidhur kryesisht me eksportin e naftës bruto. /Monitor

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale