Edlina Bano Losha: Ja pse fëmijët duhet të shkojnë në kopshte edhe kur bie tërmet


Ditët e fundit, vëmendja jonë ka qenë e përqëndruar tek tërmeti, dëmtimet, humbjet dhe pasojat e tij. E kush më mirë se Edlina Bano Losha mund të na fliste për këtë temë. Ajo me profesion është inxhinjere ndërtimi dhe madje për disa vite ka punuar si e tillë. Përpos kësaj ajo ka një dashuri të jashtëzakonshme për fëmijët dhe për këtë arsye para 15 vitesh themeloi kopshtin “Princi i lumtur”. Në këto ditë të vështira për të gjithë, Eda ishte pranë fëmijëve, pranë qenieve më të brishta në botë, duke kaluar me ta këto momentet e panikut.

Për BusinesMag.al ajo flet më me detaje rreth kësaj teme. Eda thotë se fëmijët janë pjesa më e qetë e njerëzimit pas dukurive të përmasave të mëdha natyrore. Të zhytur në “plotësimin e nevojave të tyre të çastit” ata paraqiten të qetë nëse ndihen mirë, nëse ashtu janë për momentin. Fëmijët ndikohen paksa nga prindërit, nga ambienti, nga televizionet, nga ç’ka dëgjojnë, por më pas shumë shpejt fokusohen tek lodrat, shoqëria, argëtimet! Kjo është gjendja që ajo ballfaqohet në këto ditë me fëmjët e moshave 1-6 vjeç, me të cilët edhe punon.

“Është shumë lehtësuese të shohësh reagimet e fëmijeve pas tërmetit! Duket sikur nuk ka ndodhur asnjëherë asgjë! Që kur ata erdhën në kopësht ditët pas tërmetit, lexoja lumturi në sytë e tyre. I kishte marrë malli për shokët, për kopshtin për edukatoret. Por tërmetin nuk e përmendnin fare!”

Kjo situatë në fakt ishte disi e pa pritur edhe për vetë atë, pasi nuk e priste këtë lloj reagimi. Që në nditën e parë kur ndodhi tërmeti, Eda menjëherë ka mbledhur stafin e saj, më të cilët edhe ka diskutuar gjatë për menaxhimin e kësaj situate. Edhe për ta ka qenë e vështirë të menaxhonin një situatën, por para fëmijëve ata duhet të ishin më të forta se kurrë. Para se të kishte kontaktin e parë me fëmijët pas tërmetit të 26 Nëntorit, Edës i është dashur të kalojë shumë kohë duke menduar se si do j’ua shpjegonte fëmijëve këtë situatë, çfarë do ju thoshte atyre për pllakat tektonike… Patjetër që kjo situatë me ndihmën edhe të një psikologu menaxhohet edhe më mire dhe në fakt ashtu ka bërë. Psikologu ka qenë i pranishëm aty në çdo moment.

Edlina Bano Losha

Sipas Edës në të tilla situata nëse kopshti apo çedhja është e pa dëmtuar dhe nuk është ambient problematik, fëmijët patjetër që duhet të shkojnë në këto  institucione. Kontakti me fëmijët e tjerë është më e mira e mundshme për të vegjlit. Ata kanë nevojë të luajnë, mësojnë e mbi të gjitha pse jo edhe të fillojnë të  kuptojnë nga pak rreth këtyre dukurive.

Kam bërë sondazhe me disa fëmijë nga 2,5 vjec deri në 6,5 vjec! Ishte fantastike dhe më kënaqën përgjigjet e thjeshta dhe indiferenca e tyre e plotë ndaj gjithë kësaj! Pothuajse të gjithë më thanë që nuk kanë patur frikë fare dhe nuk kanë ndier gjë fare, ‘por mami pati frikë’.  

Por Eda ka një mesazh për të gjithë prindërit që i mbajnë në shtëpi fëmijët në situata të tilla. Ajo thotë se faktori shkollë – kopësht ka shumë benefite. Fëmijët i kalojnë në mënyrë sportive këto situata, pasi qëndrimi në ambiente të tilla të ngrohta ku mbizotëron hareja, i bën ata të mos e kuptojnë një situatë dramatike që ndodh në vendin e tyre.

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale