Në BE gjatë vitit 2015 janë konfiskuar përafërsisht pesë milionë më shumë produkte false në krahasim me vitin e kaluar. Siç njoftoi Komisioni Evropian në Bruksel, numri i produkteve të falsifikuara që janë kapur nga autoritetet doganore është rritur për 14%.
Autoritetet doganore kanë konfiskuar më shumë se 40 milionë produkte në vlerë rreth 650 milionë euro, me të cilat janë shkelur të drejtat e pronësisë. Vendi kryesor i origjinës është Kina. 41% të produkteve të konfiskuara llogariten të jenë nga Kina, e ndjekur nga Mali i Zi, Hong-Kongu, Malajzia dhe Benini.
Nga vendi afrikan (Benini) vjen një sasi e madhe e ushqimit. Pije të falsifikuara alkoolike erdhën kryesisht nga Meksika, ndërsa pije të tjera të rreme nga Maroku.
Në lidhje me produktet kozmetike të falsifikuara Malajzia ishte vendi kryesor i origjinës, ndërsa për veshje Turqia. Për telefonat celularë dhe pajisje të tilla, si hardware, CD, DVD është i njohur Hong-Kongu, njofton Komisioni Evropian.
Mali i Zi ishte vendi kryesor i origjinës për cigare të falsifikuara, ndërsa India është një lider në farmaceutikë.
Në Zvicër vitit e kaluar në 3521 raste janë kapur produktet e falsifikuara të dërguara me postë. Në tetë nga dhjetë raste ishin dërgesat e mallrave nga Hong-Kongu apo Kina.
Vendi i parë nga destinacionet që vijnë produktet e falsifikuara në Zvicër është Turqia (39%), pasuar nga Bashkimi Evropian (17%) dhe Kosova (9 %).
Burimi: gazetaekonomia.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
