Rrjeti i dyqaneve Wal-Mart aplikoi këtë javë për të marrë leje fluturimi mbi përdorimin e fluturakëve (dronë-ve) si mjete dërgese të produkteve që blihen online. Gjigandi tjetër i e-commerce Amazon, synon të jetë edhe ai pjesë e kësaj teknologjie të re që synon të ridimensionojë postimin tradicional.
Shitësi më i madh në Planet, Wal-Mart, ka filluar testimin në ambjente të brëndshme të dronë-ve dhe është gati për t’i provuar ato në qiejt e qyteteve pasi të marrë lejen nga Autoriteti Civil Ajror Amerikan. Wal- Mart do të përdorë dronë të prodhuar nga kompania kineze SZ-DJI Technology. Kjo lëvizje e Wal-Mart vjen pasi Amazon , Google dhe kompani të tjera kanë filluar testimet e dronë-ve me shpresën se Autoriteti Civil Ajror Amerikan do t’i lejojë ata të fluturojnë lirshëm mbi kokat tona. Deri më tani përdorimi i dronë-ve për shërbime tregtare është i ndaluar me ligj. Zyrtarët Amerikanë po mendojnë seriozisht për të krijuar lehtësira për fluturime të ligjshme për shërbimin më të ri kargo.
Në të ardhmen kullat e vrojtimit ajror nuk do të lehtësojnë vetëm fluturimet e avionëve dhe helikopterëve, por edhe ato të dronë-ve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
