Drejtori i Përgjithshëm i Volkswagen kërkon falje pas citimit të frazës së Holokaustit - Business Magazine Albania

Drejtori i Përgjithshëm i Volkswagen kërkon falje pas citimit të frazës së Holokaustit


Drejtori i Përgjithshëm i Volkswagen Herbert Diess ka kërkuar falje publikisht për komentet e bëra që duket se kanë shfaqur një slogan të epokës naziste, duke mbyllur kështu një javë të vështirë për prodhuesin e makinave pasi është ndeshur me një padi të SEC (Securities and Exchange Commission).

Diess tha “ebit macht frei” në një event të brendshëm të kompanisë ditën e Martë, e cila i bën jehonë shprehjes “puna ju bën të lirë, e cila ishte e shkruar në portat e kampeve të përqendrimit siç është Auschwitz.

Lexoni: Ford dhe Volkswagen forcojnë aleancën për makinat autonome

EBIT është një akronim i përdorur zakonisht për “të fitosh përpara interesave dhe taksave”. Komentet e CEO-s u raportuan për herë të parë nga mediat gjermane.

“Në asnjë moment nuk ishte qëllimi im që kjo deklaratë të vendoset në një kontekst të tillë”, tha CEO në një deklaratë me email. “Kjo ishte padyshim një zgjedhje e keqe e fjalëve. Më vjen keq”.

Ka qenë një ditë e vështirë për prodhuesin gjerman. Komisioni amerikan i Letrave me Vlerë dhe Bursës paditi kompaninë dhe ish-drejtorin e saj ekzekutiv, Martin Winterkorn, si pjesë e një skandali të emetimeve, që supozohet se mashtroi investitorët amerikanë. Në një email të veçantë për Business Insider, Volkswagen e quajti rastin “ligjërisht dhe faktikisht të çalë dhe Volkswagen do ta kundërshtojë atë me forcë”.

Lidhja historike midis Volkswagen dhe Holokaustit shkon më thellë. Në fillim të viteve ’30, udhëheqësi nazist Adolf Hitler urdhëroi ndërtimin e një makine për popullin, ose “Volkswagen”. Kompania u themelua në vitin 1937 si pjesë e një plani për të siguruar gjermanët të përballonin një makinë dhe shfrytëzonin punën e skllevërve nga ata që ishin në kampet e përqëndrimit gjatë Luftës së Dytë Botërore.

Lexoni: Volkswagen së shpejti “Made in Serbia”

Aksionet e Volkswagen ranë 0.6% që nga ora 9 a.m në Londër.

burimi: BI

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0