Dr. Yunus emërohet përkrahës i “Objektivave Globale” të OKB-së

Laureati i Çmimit Nobel Dr. Muhammad Yunus është emëruar si një nga përkrahësit për të promovuar Objektivat e Organizatës së Kombeve të Bashkuara për Zhvillim të Qëndrueshëm.

Sekretari i Përgjithshëm i Kombeve të Bashkuara Ban Ki-moon bëri deklaratën ditën e Martë. Grupi i Mbrojtësve të Zhvillimit të Qëndrueshm u lançua zyrtarisht të Enjten në Forumin Ekonomik Botëror në Davos të Zvicrës.

Bashkëdrejtuesit e grupit janë Presidenti ganez John Dramani Mahama dhe kryeministri norvegjez Erna Solberg.

Gjithashtu përkrahës dhe mbrojtës të Zhvillimit të Qëndrueshëm të OKB-së, përveç Dr. Yunus janë shpallur edhe futbolisti me famë botërore Leo Messi dhe këngëtarja dhe akrivistja kolumbiane Shakira Mebarak.

Pjesëtarë të grupit përfshijnë Mbretëreshën Matilda të Belgjikës; Princeshën Viktoria të Kurorës së Suedisë; Jack Ma, themeluesi dhe CEO i Grupit kinez Alibaba i bizneseve në Internet.

Të tjerë përkrahës janë edhe: Sheika Moza bint Nasser, bashkëthemelues i Fondacionit të Katarrit; skenaristi, producenti dhe regjisori i filmave Richard Curtis; Dho Young-Shim, kryetar i Fondacionit të Turizmit të Qëndrueshëm të Organizatës Botrërore të Turizmit; Leymah Gbowee, drejtori i Gbowee Peace; Graça Machel, president i Fondacionit për Zhvilimin e Komunitetit; Alaa Murabit; themelues i Zërit për Femrat Libiane; Paul Polman, CEO i Unilever; Jeffrey Sachs, drejtor i Institutit të Tokës në Universitetin e Kolumbias, aktori Forest Whitaker, themelues i Iniciativës Whitaker Peace & Development.

“17 Objektivat Globale” u adoptua nga liderat botërorë në Samitin për Zhvillimin e Qëndrueshëm të Kombeve të Bashkuara në Nju Jurk në shtator të vitit të kaluar. Qëllimet përfaqësojnë një angazhim nga të gjitha kombet për të punuar bashkë për t’i dhënë fund varfërisë, për të ndërtuar paqen dhe për të siguruar një jetë me dinjitet dhe një planet të shëndetshëm për brezat e së sotmes dhe të ardhmes.

/DhakaTribune/