Dr. Google do të jetë okulisti juaj i ardhshëm

Gjigandi i kërkimit në internet, Google po ndërton një algoritëm për të dalluar retinopatinë diabetike, e cila mund të shkaktojë verbëri. Kjo mënyrë punon në të njëjtën mënyrë si një specialist syri, duke kontrolluar imazhet në fund të syrit për shenja të sëmundjes.

Google punoi me një skuader doktorash në Indi dhe SHBA për të krijuar një set të dhënash prej 128.000 imazhe dhe i përdori ato për të trajnuar një network të thellë neutral-kompjuterash të lidhur ashtu si truri, në mënyrë që të dedektohet retinopatia diabetike.

Rezultatet, të publikuara të Martën në” Journal of the American Medical Association” ishin në të njëjtin nivel me një grup të çertifikuar okulistësh.

Algoritmi mund të ndihmojë pacientët që t’u paraprijnë doktorave më shpejt në të ardhmen. Google shtoi se duhej të punojnë më shumë para se ta shpërndajnë gjërësisht.

“Metoda skanuese të automatizuara dhe shumë të sakta kanë potencialin për të ndihmuar doktorat që të kontrollojnë më shumë pacientë dhe të mund t’i kryejnë kontrollet rutinë më shpejt mbi pacientët që kanë nevojë për një specialist” kështu u shpreh Dr.Lily Peng në blogun e saj . “Ne shpresojmë që ky studim do jetë një shembull për të demostruar aftësinë e një makine për të mësuar dhe zgjidhur problemet në fushën e shëndetësisë.”

Retinopatia diabetike prek njerëzit me diabet dhe mund të çoje deri në verbëri. Ajo prek enët e gjakut në retinë dhe është shkaku më i madh i humbjes së shikimit ndërmjet diabetikëve , të paktën kështu shprehet Instituti Kombëtar i Shëndetit.

Kjo nuk është tentativa e parë e Google në fushën e kujdesit ndaj syve. Ajo u bashkua me një kompani suedeze për të zhvilluar lente kontakti ‘smart’.

/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.