Në datën 6 Qershor, në Xheko Imperial Luxury Hotel & SPA, Tiranë, u zhvillua një event i jashtëzakonshëm. Mbrëmja gala “Dine for Mothers and Babies”, e organizuar nga Fondacioni Spitalor i Nënës dhe Fëmijës, mblodhi së bashku një grup mbështetësish, duke përfshirë profesionistë të kujdesit shëndetësor, diplomatë, përfaqësues nga organizata të ndryshme dhe drejtues biznesi.
Misioni i këtij eventi ishte ndërgjegjësimi dhe ngritja e fondeve për përmirësimin e kushteve në maternitetet, rritjen e edukimit si të stafit mjekësor dhe të nënave të reja, dhe mbështetjen e fushatave përkrahëse për mirëqenien e nënave dhe fëmijëve në Shqipëri.
Eventi u mbështet nga Abi Bank, One Albania, Spitali Amerikan, Lincoln Centers of Albania, Titan Albania, Xheko Imperial, Pikturat e Anës Events, Adriatik Tours LLC, Lizard, AGA Clothing, Edlira Çepani, Blendi Salaj dhe u organizua nga Oz Marketing Albania.
Kjo mbrëmje bamirësie ishte një dëshmi e vizionit të Fondacionit Spitalor të Nënës dhe Fëmijës: që çdo nënë dhe fëmijë i porsalindur në Shqipëri të marrë një kujdes shëndetësor cilësor. Me pjesëmarrjen e figurave të shquara nga sektorë të ndryshëm, eventi nënvizoi rëndësinë e kauzës dhe ndikimin që mund të kenë së bashku.
Lexo edhe:Brandi shqiptar i veshjeve pjesë e koleksionit të sugjeruar nga media britanike
Faleminderit të gjithëve që morën pjesë dhe mbështetën këtë mision të shenjtë. Le të vazhdojmë të mbrojmë shëndetin dhe mirëqenien e nënave dhe foshnjave!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English