Destinacioni turistik i shqiptarëve mbetet Turqia - Business Magazine Albania

Destinacioni turistik i shqiptarëve mbetet Turqia

~4 minuta lexim


Situata politike dhe kërcënimet për terrorizëm kanë lënë indiferentë shqiptarët, që të joshur nga çmimet e ulëta kanë rritur kërkesën për të kaluar pushimet në Turqi.

Ulja e çmimeve të paketave turistike, deri edhe me 50% po tërheq shqiptarët që të zgjedhin të pushojnë në qytetet bregdetare të Turqisë. Agjencitë thonë se kërkesa për të prenotuar në restortet e tipit all dhe ultra inclusive do të shënojë kulmin e saj në periudhën pas datës 14 korrik e deri në fund të muajit gusht.

Duket se shqiptarët do të “zëvendësojnë” rusët që deri dje kanë qenë një nga tregjet më të mëdha furnizuese të Turqisë së bashku me Gjermaninë. (Konflikti mes Rusisë dhe Turqisë lindi për shkak të një patrullimi ajror të palajmëruar të një avioni ushtarak turk në zonën ruse). Por, një tjetër shkak i reduktimi të numrit të turistëve perëndimor ka të bëjë me sulmet e shpeshta të ISIS në Turqi, gjë e cila ka shkaktuar frikë dhe panik. Megjithatë ato janë përqëndruar kryesisht në Stamboll dhe nuk kanë prekur zonat bregdetare.

Drejtuesi i agjencisë Tour Albania, Xhimi Lama thotë se Turqia, është një destinacion i konsoliduar nga shqiptarët dhe kërkesa nuk pritet të ulet, ca më tepër kur ofertat që po reklamohen nga resortet turke janë tërheqëse.

Për drejtuesen e agjencisë “Sava Tours”, Turqia këtë vit shënon rritje të ndjeshme në prenotime, pasi, sipas saj, tarifat e akomodimit në resorte janë ulur mesatarisht me 20-25% në krahasim me të njëjtën periudhë të një viti më parë.

Shqiptarët në Turqi preferojnë të prenotojnë në resorte me katër e pesë yje dhe me shërbime all apo edhe ultra all inclusive. Antalia është destinacioni kryesor, duke u ndjekur nga Kemeri, Bodrumi e Alania. Koha e qëndrimit llogaritet mesatarisht nga 7 në 10 net.

“Për prenotimet e kësaj periudhe, në Kemer ka pasur oferta hotelesh që kanë zbatuar deri edhe në 70% ulje të çmimeve. Një paketë për qëndrim në hotel me pesë yje për 7 ditë është ofruar me një çmim prej 258 euro/personi, në një kohë kur vitin e kaluar, në të njëjtën periudhë, kjo shifër ishte rreh 500 euro/person”, thonë drejtuesit e agjencisë ATHS.

/Monitor.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0