Dëshironi të zotëroni aksione në Amazon? Së shpejti do të jenë shumë të lira për t’u blerë

Aksionet e Amazon do të kushtojnë 20 herë më pak.

Kompania njoftoi të mërkurën se bordi i saj miratoi një ndarje të aksioneve 20 për 1, ndarjen e saj të parë që nga viti 1999. Nëse miratohet nga aksionarët në maj, ndarja do të hyjë në fuqi më 6 qershor.

Çmimet e aksioneve të Amazon shkuan 2,785 dollarë për aksion të mërkurën. Nëse ndarja e aksioneve do të ndodhte sot, aksionet e Amazon do të kishin vlerën e 139 dollarëve për aksion.

Megjithatë aksionerët e Amazon nuk duhet të shqetësohen. Kur çdo gjë të bëhet fakt I kruer, ata do të kenë 20 herë më shumë aksione.

Kompanitë i ndajnë aksionet e tyre për arsye të shumta: Ndarjet mund t’i bëjnë aksionet e tyre të arritshme për investitorët më të vegjël individualë. Kjo i ndihmon kompanitë të fitojnë likuiditet dhe ndarjet mund të krijojnë më shumë kërkesë për aksionet e një kompanie.

Lexo edhe: Klientët bëjnë thirrje për të ‘anulluar’ Amazon Prime pas rritjeve të reja të çmimeve

Megjithëse investitorët institucionalë nuk kujdesen për çmimin e përgjithshëm të aksioneve të kompanisë, investitorët individualë mund të ndalohen nga aksionet me çmim të lartë.

Lëvizja e Amazon mund të synojë gjithashtu ta përfshijë atë në mesataren e famshme Dow Jones Industrial, e cila tenton të përfshijë aksione më pak të shtrenjta. Apple (AAPL), për shembull, njoftoi një ndarje 7-për-1 të aksioneve në vitin 2014 dhe u përfshi në Dow në 2015-ën.

cnn