Dëshironi të rrisni fëmijë të mirë? Psikologjia thotë se ata duhet t’ju shohin ndërsa bëni këto 9 gjëra - Business Magazine Albania

Dëshironi të rrisni fëmijë të mirë? Psikologjia thotë se ata duhet t’ju shohin ndërsa bëni këto 9 gjëra


“Ne nuk po rrisim fëmijë, ne po rrisim brezat e ardhshëm”, thotë terapistja dhe autorja Susan Stiffelman. Ajo që bëjmë ne si prindër krijon zakonet dhe sjelljet që fëmijët tanë mbartin me vete në moshë madhore.

Sigurisht, ne duam më të mirën për fëmijët tanë, që ata të kenë një jetë të lumtur, të jenë të përgatitur për botën reale, ose thjesht të kenë rezultate të mira në shkollë. Ne duam që ata të kenë sukses dhe kështu i këshillojmë vazhdimisht.

Lexoni: Fëmijët më të suksesshëm marrin këto 8 dhurata nga prindërit e tyre

Por ndihma më e mirë vjen kur ne ua tregojmë gjërat dhe jo vetëm ua themi.

Prindërit duhet të jenë një model për fëmijët e tyre në mënyrë që ata të rriten tek shohin me sytë e tyre se si të veprojnë, mësojnë dhe të rriten të suksesshëm.

Prandaj fëmijët tuaj duhet të shohin që ju:

1. Luftoni me betejat tuaja

Prindërit në përgjithësi i fshehin betejat nëpër të cilat ata kalojnë, pasi në këtë mënyrë fëmijët nuk do të thyejnë iluzionet për t’i parë ata si heronj. Por, duhet të kuptoni se është e rëndësishme që fëmijët tuaj të shikojnë se si ju i trajtoni vështirësitë, betejat, si i përballoni ato apo edhe se si kërkoni ndihmën e të tjerëve për t’i tejkaluar ato.

2. Qani

Padyshim, gjëja e fundit që prindërit duan të bëjnë është të qajnë para syve të fëmijëve të tyre. Por, është e rëndësishme t’u tregoni fëmijëve tuaj që nuk ka asgjë të keqe të qash, pasi ka momente që ndihesh i ngarkuar emocionalisht dhe disa lotë të çlirojnë nga ndjenjat e trishtuara.

Lexoni: 6 mënyra se si prindërit shkatërrojnë suksesin e fëmijës së tyre

3. Ushtroheni

Fëmijët marrin shembullin e prindit. Nëse ata shohin që prindërit e tyre ushtrohen, shkojnë në palestër, bëjnë ushtrime në shtëpi, apo dalin për vrap edhe ata do të marrin të njëjtën kulturë, jo sepse trupi i tyre nuk duket mirë, por sepse një trup i shëndoshë sjell një mendje të shëndoshë. Jetesa e shëndetshme është mjaft e rëndësishme në ditët e sotme, pasi jeta sedentare, e lidhur pas teknologjisë na ka bërë dembelë duke na sjellë madje dhe probleme shëndetësore.

4. Merrni pjesë në problemet e universit, jo vetëm të vetes tuaj

Kjo ka të bëjë me vullnetarizmin për të ndihmuar dikë tjetër, por edhe fokusimin jashtë vetes për t’u angazhuar në vepra të mira.

Stiffelman thotë, “Një nga mënyrat më efektive që fëmijët të mendojnë se janë me vlerë dhe se kanë rëndësi është kur ata mund të përmirësojnë ose ndihmojnë dikë tjetër – jo vetëm mamin apo babin”. Ky është thelbi i qenies njerëzore, të mendojmë përtej vetes.

5. Bëni zgjedhje të mira në lidhje me shpenzimet

Prindërit duhet të flasin me fëmijët mbi zgjedhjet financiare që duhet të bëjnë në lidhje me të. Në këtë mënyrë, fëmijët do të mësojnë koston dhe vlerën e gjërave,  sidomos nëse bëhet fjalë përtej vlerës që familja juaj mund të përballojë.

6. Mësoni

Fëmijët tuaj duhet të kuptojnë që e mësuara nuk ka fund. Jeta është një shkollë e pafund, ku ju mësoni çdo ditë gjëra të reja. Ju duhet t’i tregoni fëmijës suaj që jeni një nxënës i përjetshëm dhe investoni vazhdimisht për jetën tuaj.

Siç thekson Stiffelman, “Fëmijët tanë ndoshta do të ndryshojnë karrierë shumë herë, kështu që ata duhet të kenë rehatinë/gatishmërinë për të mësuar gjëra të reja”. Mund të jetë po aq e thjeshtë sa për shembull, të lexoni më shumë. “Fëmijët që shohin prindërit e tyre që lexojnë priren të lexojnë më shumë”, shton terapistja.

Lexoni: 5 mënyra për ta bërë fëmijën tuaj një lider më të mirë

7. Jeni të sjellshëm me veten tuaj

Hulumtimet tregojnë se studentët, të cilët bazojnë vetëbesimin e tyre në burime të jashtme (miratimi nga të tjerët etj.) shpesh zhvillojnë më shumë probleme në shëndetin mendor, ndërsa ata që krijojnë vetëbesimin e tyre në burime të brendshme (respektimi i vlerave të tyre) kanë nota më të mira dhe mundësi të pakta në përdorimin e drogës, alkoolit apo çrregullime të ushqyerjes.

Me fjalë të tjera, bota e jashtme paraqet sfida të mjaftueshme për vetëvlerësimin e fëmijëve tuaj, kështu që modeli që i shfaqni fëmijës nuk duhet të jetë asgjë tjetër përveç mirësisë dhe faljes për veten tuaj.

8. Jeni kreativë

Njerëzit nuk frymëzohen në punë për shumë arsye. Ndihmoni fëmijën tuaj duke i treguar se sa të lumtur ju bën kreativiteti. Kjo do t i mësojë ata të shprehin kreativitetin dhe ndjenjat e tyre.

9. Shfaqni afeksion për partnerin tuaj

Në Shqipëri konsiderohet si turp nëse prindërit shfaqin para fëmijëve dashurinë që kanë për njëri-tjetrin, por duhet kuptuar që është shumë e rëndësishme që fëmijët të shikojnë se janë të rrethuar nga dashuria dhe mirëkuptimi. Mos harroni, fëmijët kanë nevojë për dashuri. Nëse u jepni dashuri edhe ata do të japin dashuri.

Lexoni: Mbajini fëmijët larg Instagramit!

burimi: inc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0