Dëshironi të punësoni një Drejtues të Mirë? Bëni vetëm këto tre pyetje


Në mënyrë që të krijoni një ekip udhëheqësish për organizatën tuaj, ju duhet të jeni në gjendje të identifikoni cilësitë e një udhëheqësi të mirë. Kohët e fundit, në Konferencën Wharton People Analytics në Philadelphia, CEO i General Motors dhe ish-shefi i HR Mary Barra ndau cilësitë kryesore që ajo ka mësuar për t’u bërë një udhëheqëse efektive: integritetin, një mentalitet bashkëpunues, aftësinë për të ndikuar tek të tjerët, aftësinë teknike dhe pasionin.

Por, përtej këtyre tipareve, ajo gjithashtu tregoi se si i identifikon këto tipare në një udhëheqës të ardhshëm në shoqërinë e saj.

Lexo: 5 këshilla për sukses nga liderët në Davos

Gjatë intervistave, Mary Barra iu shtron kandidatëve vetëm tre pyetje. Së pari, ajo u kërkon kandidatëve të thonë 3 cilësitë që do të përdornin bashkëmoshatarët e tyre për t’i përshkruar ata. Pastaj, ajo pyet kandidatët se si menaxherët e tyre do t’i përshkruanin ata me tre cilësi. Më në fund, ajo u kërkon kandidatëve të ndajnë tre cilësitë që do të përdornin ish-kolegët e tyre për t’i përshkruar ata.

Ndërsa kandidatët mund të mendojnë se duhet të ndryshojnë përgjigjen e tyre për secilën pyetje, Mary Barra në të vërtetë po kërkon të kundërtën, ajo dëshiron që të tre mbiemrat që përdorin në çdo përgjigje të jenë pothuajse të njëjta.

Pse?

Siç është raportuar nga Quartz, Mary Barra ka sqaruar: “Nëse jeni duke i punësuar për integritetin që punonjësit zotërojnë, ju nuk dëshironi që njerëzit të menaxhojnë ndryshe, por ju dëshironi që njerëzit të punojnë njësoj si me bashkëmoshatarët dhe eprorët ashtu siç bëjnë vartësit e tyre “.

Lexo: Pse bizneset duhet të marrin parasysh këshillat e Elon Musk për punësimin

Sipas Barra, kur drejtuesit janë konsistentë në qasjen e tyre, është fuqizuese për ekipet e tyre, duke mundësuar kështu punë më të mirë dhe duke i bërë ata drejtues më të mirë.

Herën tjetër që do të punësoni një rol udhëheqës, merrni parasysh këtë dhe metodat e tjera për të provuar qëndrime dhe sjellje të vazhdueshme në kontekste të ndryshme. Kjo do t’ju ndihmojë të ndërtoni një ekip udhëheqës që përcaktohet nga integriteti, bashkëpunimi, ndikimi i fortë, aftësia dhe pasioni.

Burimi: INC

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale