Deloitte publikon listën. Ja ekipet më të pasura të futbollit!

Deloitte publikon listën. Ja ekipet më të pasura të futbollit!


Servisi financiar nga Deloitte ka publikuar sërish listën e saj të klubeve më të pasura në botë,duke analizuar të ardhurat e klubeve më të mëdha europiane. Premier League dominon këtë listë me 10 klube ndër 20 më të pasurat, një rekord ky që nga momenti kur analizat kanë filluar. Por gjithsesi klube të tjera nga Ligue 1 në Francë, La Liga në Spanjë apo Serie A në Itali, konkurrojnë për vendet e para së bashku me gjigandet angleze. 

Të shohim se kush janë 10 ekipet më të pasura sipas publikimeve të fundit!

  1. Juventus

Me 405.7 milionë euro, Juventusi ka bërë paraqitjen e tij të dytë në një finale të Champions League në 3 sezonet e fundit. Ka fituar kampionatin italian për 6 herë me rradhë, një rekord më vete ky, dhe gjithashtu ka arkëtuar shumë me shitjet e futbollistëve. Gjithsesi sipas Deloitte, është e vështirë që me konkurrencën e fortë angleze, klubi italian të zërë vendet e para midis më të pasurve.

  1. Liverpool FC

Me 424.2 milionë euro, skuadra ka thyer një rekord për arkëtimet këtë vit. Flitet gjithsesi se në të ardhmen, pritet një ngritje akoma më e madhe e klubit nga ana financiare.

  1. Chelsea FC

Me 428 milionë euro, Chelsea mban vendin midis superfuqive të futbollit, si fituese e kampionatit anglez sezonin e fundit. Kontrata e re me një firmë të njohur të pijeve energjike do ti sigurojë një rritje të mëtejshme kapitalesh në vitet në vazhdim.

  1. PSG

Me 486.2 milionë euro, ekipi parizien mund të ketë humbur titullin vitin e kaluar, por padyshim ka rritur dhe stabilizuar financat e saj. Këtë e ka treguar duke firmosur me Neymar dhe Mbappe për shifra të cmendura në seksionin e fundit të merkatos.

  1. Arsenal FC

Me 487.6 milionë euro,edhe Arsenali shënon fitime dhe rritje të ndjeshme të financave. Gjithsesi fakti se ka dështuar në kualifikimin për në Champions League këtë sezon, mund të sjellë një rënie në klasifikimin e rradhës.

  1. Manchester City

Me 527.7 milionë euro, edhe pse si një klub ende në fazë zhvillimi dhe stabilizimi, City tashmë ka zënë vendin e saj fiks mes 5 më të mirave në këtë klasifikim special. Ekipi i drejtuar nga Guardiola është favorit për titullin në Premier League këtë sezon dhe kjo mund të sjellë nje rritje të mëtejshme vitin që vjen.

  1. Bayern Munich

Me 587.8 milionë euro, Deloitte shprehet se Bayerni është ekipi me fitimet më të mëdha nga ana komerciale këtë vit. Ekipi fitoi kampionatin gjerman në sezonin e fundit, por nuk arriti dot në gjysëm finalen e Champions League gjë që solli rënien në këtë klasifikim.

  1. FC Barcelona

Me 648.3 milionë euro, Barcelona padyshim ka një bilanc të frikshëm, por gjithsesi shënon rënie nga vendi i dytë në atë të tretë në këtë klasifikim nga viti i kaluar.

  1. Real Madrid

Me 674.6 milionë euro,mund të ndodhet pas rivalëve të Barcelonës në kampionat por padyshim është para tyre në aspektin financiar. Kjo falë rritjes së të ardhurave nga reklamat dhe aktivitetet e tjera komerciale që ka klubi.

  1. Manchester United

Me 676.3 milionë euro, Manchester dominon këtë klasifikim special të më të pasurve për të dytin vit rradhazi dhe për të dhjetën herë që kur ka filluar procesi i analizimit të të ardhurave për klubet. Deloitte shprehet se faktori përcaktues për arritjen këtë vit, ka qënë fitimi i Europa League, në finalen e luajtur ne Stokholmit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0