Debati me FMN-në për heqjen e taksës së biznesit të vogël


 

Ministri i Financave, e pranoi se heqja e taksës së biznesit të vogël nuk është dakordësuar me FMN-në, por vetëm diskutuar, pasi sipas tij vendimet i merr qeveria shqiptare.

“Nuk kam thënë asnjëherë që ne zbatojmë 100 për 100 atë që thotë FMN-ja. Ne negociojmë, gjykojmë dhe vendosim. Ka edhe çështje të tjera për të cilat ata thonë jo, por ne kemi këmbyer mendimet dhe ne kemi marrë vendimet. Kemi një listë me 100 propozime, për të cilat 50 kemi rënë dakord dhe për 50 jo dhe ne vendosim në fund”, deklaroi Cani.

Deklaratën Cani e bëri gjatë prezantmit në komsionin pralamentar të ekonomisë së paketës fiskale, të cilën opozita e kundërshton. Ish-ministri i Finacave, Ridvan Bode tha se megjithë heqjen e taksës për biznesin e vogël, në total barra fiskale rëndohet për qytetarët.

“Qeveria vjen me një gosti të re të shtruar, duke thënë se këtë vit do ta mbajë dorën, 26 mln dollarë shtesë rritje taksash do të ketë. Kaq është neto, pasi janë 40 milionë dollarë taksa të vëna, por 13 mln dollarë, thotë qeveria, i hiqen biznesit të vogël”, deklaroi Bode.

Por për ministrin Cani, rritja e disa taksave është e parpërfillshme pasi shtimi i të ardhuarve do të vijë nga miradminsitrimi.

“Më duket e tepërt që të merremi me këtë. T’i biem shkurt, kur të doni e si të doni t’i marrim me radhë taksat, një më një dhe t’ua jap sa ishte efekti i parashikuar, sa është ai real dhe do të shihni se buxheti i shtetit nuk do të marrë të ardhura nga kjo lëvizje në këtë paketë fiskale”, tha Cani.

Paketa fiskale për vitin e ardhshëm parashikon heqjen taksës për biznesin e vogël dhe uljen e tatimit mbi xhiron për biznest nga 5 deri në 8 milionë qarkullim në vit.

/Top-Channel/

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale