Danimarka, shteti që ka balancën më të mirë midis punës dhe jetës. Ja përse - Business Magazine Albania

Danimarka, shteti që ka balancën më të mirë midis punës dhe jetës. Ja përse


Sipas raportit të OECD-es, danezët kanë një ekuilibër më të mirë midis punës dhe jetës në krahasim me çdo vend tjetër të vëzhguar.

Vetëm 2% e punonjësve punojnë rregullisht me orë shumë të gjata, gjë që nuk është shumë kur e krahason me mesataren e OECD prej 13%. Në vend të kësaj, ata shpenzojnë rreth dy të tretat e ditës së tyre (16 orë) duke ngrënë, duke fjetur dhe duke u argëtuar.

Nuk po flasim vetëm për punonjësit pasi danezët renditen mbi mesataren në lidhje me: cilësinë e ajrit, angazhimin qytetar, arsimin, aftësitë, vendet e punës, të ardhurat, mirëqenien, sigurinë personale dhe lidhjet shoqërore.

Fusha e fundit, rrjetet e mbështetjes sociale është kyçe pasi 96% e njerëzve raportojnë se kanë miq ose të afërm të cilëve mund t’i kërkojnë ndihmë në kohë të këqija, krahasuar me 88% në vendet e tjera të vëzhguara nga OECD.

Cilësia e ajrit në Danimarkë është gjithashtu më e mirë se mesatarja e OECD (në terma shkencorë përkthehet si 11.1 mikrogramë PM2.5 ndotje për metër kub, në krahasim me 14.05 në një shtet tjetër).

Danezët janë të angazhuar jashtëzakonisht shumë në procesin politik, pasi pjesëmarrja e votuesve është 86% dhe është ndër më të lartat në OECD. Ata janë gjithashtu të mirë-arsimuar: 80% e të rriturve të moshës 25-64 vjeç kanë përfunduar arsimin e mesëm dhe të lartë. Kjo është katër pikë përqindjeje më e lartë se mesatarja e OECD.

Balanca midis jetës dhe punës

Sipas vetë danezëve, çelësi është prioritizimi i jetës mbi punën. Kur janë në punë, ata gëzojnë një shkallë të lartë fleksibiliteti. Ata shpesh mund të zgjedhin kur fillojnë ditën e tyre të punës dhe kanë mundësi të punojnë nga shtëpia. Pushimi i drekës është shpesh në një kohë të përcaktuar çdo ditë, duke u mundësuar kolegëve të ndërveprojnë dhe të hajnë së bashku, duke u mundësuar që të largohen nga tavolinat e punës. Ka një pushim të paguar prej pesë javësh për të gjithë punonjësit.

Sidoqoftë, të punuarit me më pak nuk do të thotë se ata bëjnë më pak. Hulumtuesit në OECD zbuluan se ditët e tepërta të punës në fakt e zvogëlojnë produktivitetin.

Mënyrat e jetesës së danezëve pasqyrohen tek qëndrimet e tyre, tregon sondazhi. Kur shikoni se çfarë është e rëndësishme për qytetarët danezë, vendet e punës dhe të ardhurat janë shumë më poshtë në listë sesa shëndeti, arsimi, mjedisi dhe ekuilibri midis punës dhe jetës.

Sipas një danezi, qëndrimi i Danimarkës ndaj parave ndryshon nga ai i vendeve të tjera:

“Paraja nuk është aq e rëndësishme në jetën shoqërore këtu, njësoj si në Britani apo Amerikë. Ndoshta ne i shpenzojmë paratë tona ndryshe. Ne nuk blejmë shtëpi të mëdha apo makina luksoze, pasi ne i shpenzojmë paratë tona për t’u shoqëruar me të tjerët “, thotë profesori i ekonomisë Christian Bjørnskov nga Shkolla e Biznesit Aarhus.

Megjithatë ka një trade-off të rëndësishëm: Danezët paguajnë taksa të larta. Por sipas një raporti të fundit të Bloomberg, atyre nuk u intereson. Kjo për arsye se këto taksa shkojnë drejt një mirëqenie më të mirë të vendit, të cilin ata e çmojnë.

Danimarka u rendit e para në Raportin Botëror të Lumturisë në vitin 2013, i treti në Raportin Botëror të Lumturisë në vitin 2015 dhe i pari në Raportin Botëror të Lumturisë në vitin 2016.

Por asnjë vend nuk është në gjendje të përsosur shëndetësore. Përveç ilaçeve anti-diabetike, danezët konsumojnë më shumë produkte farmaceutike sesa mesatarja e OECD-së, duke përfshirë antidepresantët.

OECD thotë se Danimarka mund të bëjë më shumë për të ndihmuar punonjësit me paga të ulëta. Hendeku midis të pasurve dhe të varfërve është i lartë pasi 20% e popullsisë fiton gati katër herë më shumë se të tjerët.

Danimarka duhet të joshë punëtorët më të aftë në brigjet e saj për të mbështetur rritjen ekonomike, veçanërisht në fushat e inxhinierisë dhe shkencës.

Burimi: weforum.org

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0