Pse njerëzit “idiotë” fitojnë më shumë para se ty?



Është një realitet, një realitet i hidhur, që në botën e sotme të biznesit ka shumë idiotë që bëjnë shumë para. Por nëse e konsideron veten një njeri të zgjuar nuk duhet të ndihesh keq sepse siç thotë dhe një proveb greke: “I zgjuari jeton si i varfër, për të vdekur i pasur.”

Këto janë pesë arsyet pse disa njerëz që nuk janë aq të zgjuar sa ju, po bëjnë më shumë para në të njëjtin vend ku jetoni.

1. Të pasurit bëhen më të pasur

Suksesi financiar nuk është gjithmonë rezultat i punës së palodhur dhe aftësive; Ndonjëherë është thjesht i trashëguar. Ekziston një korrelacion statistikor midis të ardhurave të një personi si i rritur dhe të ardhurave të prindit të tij ose të saj.

2. Gjenet e mira

Thuhet se pamja luan një rol të madh në suksesin financiar. Daniel Hamermesh nga Universiteti Yale, sipas studimit të tij Bukuria në Tregun e Punës, ka arritu në përfundimin se: Njerëzit e pashëm fitojnë gjatë jetës së tyre 230,000 dollarë më shumë se pjesa tjetër. Studime të tjera tregojnë se njerëzit e gjatë janë gjithashtu më të suksesshëm.

Këshillë: Ju nuk mund t’i zgjidhni gjenet tuaja, por ju keni kontroll mbi mënyrën se si e projektoni imazhin tuaj te të tjerët. Qëndroni drejt, flisni qartë dhe me vetbesim dhe tregojini botës një njeri të pathyeshëm. Ju do të shihni se sa shpejt dhe pozitivisht njerëzit do t’iu përgjigjen. Nuk ndiheni shumë i sigurt? Shtiruni deri sa t’ia merrni dorën.

3. Ata nuk janë të butë e të sjellshëm

Një studim sugjeron se meshkujt që nuk pajtohen me gjithçka fitojnë afërsisht 18% më shumë se burrat që konsiderohen si të mirë dhe të bindur. Për gratë, përparësia është 5%. Duket se njerëzit që janë të vrazhdë janë negociatorë më të suksesshëm dhe për këtë arsye fitojnë më shumë shpërblime financiare.

Këshillë: Negociatorët më të suksesshëm nuk janë aspak të vrazhdë. Ata gjejnë një mënyrë për të plotësuar atë që është më e rëndësishme për të dyja palët.

4. Servilizmi

Njerëzit që iu servilosen pronarëve apo kolegëve të tyre, duke i çuar në restorante luksoze dhe duke u dërguar atyre dhurata të shtrenjta, mund të arrijnë shumë, por ndonjëherë ata nuk e çojnë deri në fund lojën e tyre. Këto dhurata të shtrenjta zakonisht kanë për qëllim të maskojnë një të metë në punën e tyre.

5. “Fati i budallait”

Fati është karta e egër në suksesin e biznesit. A ishte Bill Gates me fat që IBM nuk donte të mbante kodin burimor për sistemin e ri operativ DOS, që kompania e tij e vogël kishte krijuar? A ishte Jeff Bezos me fat që filloi nga puna gjatë një kohe kur investitorët po derdhnin miliarda dollarë në internet? Frans Johansson, autor i The Click Moment, shkruan se “për fat të keq në biznes, mund të jesh në krye një ditë dhe pastaj vetëm pak vite më vonë, je në fund të listës sepse rregullat e lojës ndryshuan”.

Këshillë: Në biznes, fati nuk ka paragjykime. Ai është aty për të gjithë, të zgjuarit, budallenjtë dhe dembelët. Gjithsesi puna e vazhdueshme gjeneron më shumë mundësi për të patur fat.

/AmericanExpres

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale