Vaksina efikase kundër Covid-19, e zhvilluar nga Universiteti i Oksfordit, do të testohet tek qytetarët në Indi. Shkencëtarët indianë që po bashkëpunojnë me kolegët e tyre në Universitetin e Oksfordit për zhvillimin e vaksinës kundër koronavirusit, kanë thënë se testimet lokale do të fillojnë së shpejti, pas marrjes së liçensës.
“Ne do të aplikojmë për liçencë të testimit te rregullatori indian brenda javës. Sapo të na japin leje, ne do fillojmë testimet e vaksinës në Indi. Për më tepër, ne së shpejti do ta fillojmë prodhimin e vaksinës në sasi të mëdha”, tha Adar Poonawalla, një prej shkencëtarëve indianë, që po bashkëpunon me ekipin e Oksfordit.
Lexoni: Britani, prova në njerëz e vaksinës kundër COVID-19 jep rezultate premtuese
Vaksina e zhvilluar nga Universiteti i Oksfordit duket se është e sigurt për përdorim dhe nxit reagim nga sistemi imunitar. Ajo ende është në fazën e zhvillimit dhe do t’u nënshtrohet më shumë testimeve, shkruan BBC.
Aktualisht, Universiteti i Oksfordit në bashkëpunim me kompaninë “Astra Zeneca” ka nisur prodhimin e miliona dozave, në mënyrë që të përballojë kërkesën globale sapo vaksina të jetë gati për shpërndarje në masë. Vetëm Britania e Madhe ka rezervuar 100 milionë doza.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
