Shefja e Fondit Monetar Ndërkombëtar, Kristalina Georgieva tha të premten se ekonomia globale tani është në një recesion falë COVID-19, por ajo është e lumtur teksa shikon liderët botërorë, që e kanë kuptuar se vetëm një përpjekje e koordinuar do të jetë në gjendje të frenojë përhapjen e koronavirusit.
“Ne kemi deklaruar që bota tani është në recesion dhe se gjatësia dhe thellësia e këtij recesioni varen nga dy gjëra: Përmbajtja e virusit dhe një përgjigje efektive, e koordinuar ndaj krizës,” tha ajo për CNBC.
Ndikimi mbi ekonominë nga pandemia e COVID-19 ëshë “shumë më keq se kriza financiare globale”, tha shefja e FMN, duke shtuar se organizata është e përgatitur që të përdorë “arkën e saj prej 1 triliardë dollarësh” për t’i ardhur në ndihmë atyre që janë në nevojë.
Lexoni: Yuval Harari: Si të mësojmë prej epidemive të së kaluarës
“Kurrë në historinë e FMN-së nuk kemi parë që ekonomia botërore të ndalet. Tani jemi në recesion”, tha ajo.
Kristalina Georgieva tha se sëmundja po godet ekonomitë më të dobëta ashtu siç godet personat me sëmundje shoqëruese.
“Kemi një arkë prej 1 triliardë dollarësh dhe jemi të vendosur që të vendosim në përdorim sa të jetë e nevojshme për të mbrojtur ekonominë nga plagët e kësaj krize” shtoi ajo.
Mbi 90 shtete i kanë kërkuar FMN-së fondet e emergjencës, tha Georgieva, gjatë një konference për shtyp.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English