Çmimi i Filantropisë 2015 - Shpallen fituesit në ceremoninë e organizuar nga Partnerët Shqipëri - Business Magazine Albania

Çmimi i Filantropisë 2015 – Shpallen fituesit në ceremoninë e organizuar nga Partnerët Shqipëri


 

Çmimi i Filantropisë është një çmim në nivel mbarë kombëtar, që vlerëson dhe shpreh mirënjohjen e falenderimin për individët e bizneset që kontribuojnë për përmirësimin e cilësisë së jetës në vend.

 

Fituesit për Çmimin e Filantropisë për vitin 2015 janë:

Çmimi për Kontribut në Nivel Kombëtar iu akordua Alpha Bank Albania, me motivacion: Për mbështetjen e vazhdueshme në fushën e shëndetësisë, edukimit, mjedisit, artit dhe kulturës e veçanërisht për kontributin në nismat kundër kancerit të gjirit, sigurimin e aparaturës për diagnostikimin e problemeve të mundshme të foshnjave në maternitetin “Mbretëresha Geraldinë” dhe rikonstruksionin e çerdhes “Zërat e Jetës” në Kamëz. Çmimi u dorëzua nga Z.Gent Sejko, Guvernator i Bankës së Shqipërisë.

Cmimi-Filantropise-2015-te-ftuarit-ishin-businessmagAl-partneretÇmimi për Kontribut në Nivel Lokal iu akordua kompanisë Kassel, me motivacion: Për kontributin e dhënë në mbështetje të edukimit dhe mirëqënies së fëmijëve nëpërmjet përmirësimit të infrastrukturës dhe rinovimit të mjediseve të brendshme të çerdhes “Lulet e Jetës” në Tiranë. Çmimi u dorëzua nga Z. Aldrin Dalipi, Kryetar i Këshillit Bashkiak të Tiranës.

Çmimi për Kontributin si Individ iu akordua Z. Ismail Keta dhe Z. Gjetan Keta me motivacion: Për kontributin e veçantë në promovimin dhe zhvillimin e jetës sociale e sportive të komunitetit të Bulqizës nëpërmjet ngritjes së kompleksit të parë sportiv në këtë qytet, si dhe ndihmës bujare për njerëzit në nevojë. Çmimi u dorëzua nga Zj. Yesim M. Oruc, Përfaqësuese e Përhershme në detyrë e Programit për Zhvillim të Kombeve të Bashkuara.

 

fituesi-Cmimi-Filantropise-2015-businessmagAl-partneretÇmimi special – Pionieri i Filantropisë iu akordua Z. Zyber Hallulli (pas vdekjes) me motivacion: Për kontributin e çmuar dhënë gjatë viteve 1914 – 1927 në mbështetje të individëve dhe familjeve tiranase në nevojë, zhvillimit të arsimit dhe ngritjes së shtëpisë së parë për fëmijët jetimë në Shqipëri “Streha Vorfnore”. Çmimi u dorëzua nga Z. Sadi Vorpsi, Prefekt i Tiranës.

Çertifikatë Mirënjohjeje iu akordua Znj. Zoje Jakaj me motivacion: Për kontributin e vazhdueshëm në ndihmë të personave dhe familjeve në nevojë, e veçanërisht për mbështetjen e arsimimit dhe integrimit të fëmijëve me nevoja të veçanta. Çmimi u dorëzua nga Zj. Ornela Bego, Menaxhere e Çështjeve të Korporatës, Telekom Albania.

 

Të pranishëm në ceremoni ishin përfaqësues të sektorit të biznesit, medias, organizatave vendase dhe të huaja, dhe përfaqësues të pushtetit vendor e qendror në vend.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #32 - Gusht 2023
Shiko më shumë
Na ndiqni në rrjetet sociale
0