Një pyetësor për biznesin është i disponueshëm në faqen zyrtare të Drejtorisë së Përgjithshme të Doganave.
Drejtoria e Përgjithshme e Doganave bën të ditur se ka bashkëpunuar efektivisht me biznesin dhe gjatë vitit 2021 ka përmirësuar përformancën në drejtim të rritjes së shërbimeve online për autorizime, përjashtime dhe lehtësira për bizneset, eduktimit të kohës së procesimit të deklaratave, rritjes së përdorimit të transaksionit me mbi 96 % të deklaratave, krahasuar me metodat e tjera si dhe autorizimin e 8 Operatorëve Ekonomikë të Autorizuar që përfitojnë lehtësira në tregti.
Ndaj, administrata Doganore ka bërë të ditur se është e hapur për rekomandimet e sipërmarrjes lidhur me përmirësimin e vazhdueshëm të shërbimeve doganore, duke iu drejtuar asaj me një Pyetësor.
Lexo: Shqipëri-Kosovë, në përpjekje për të rritur tregtinë
Sipas doganave, analizimi i rezultateve të Pyetësorit në tryeza diskutimi të përbashkëta do t’i shërbejë angazhimit të Administratës Doganore për vijimin e përmirësimeve të shërbimeve ndaj biznesit si nëpërmjet digjitalizimit, reduktimit të kohës së procedurave doganore dhe zgjidhjes së problematikës së mundshme që do të evidentohet.
Linku i pyetësorit gjendet Këtu
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
