Peter Diamandis është një inxhinier, mjek dhe sipërmarrës. Ai njihet si themelues i Fondacionit XPRIZE. Ai është gjithashtu bashkë-themelues i Celularity dhe Human Longevity, Inc. Këto kompani punojnë për të rritur jetëgjatësinë e njeriut.
Një kompani e quajtur Human Longevity Inc ka një shërbim të quajtur Bërthama Shëndetësore (Health Nucleus). Çdokush që shkon në ambjentet e Health Nucleus bën një kontroll të genve të ADN-së. Kompania mbledh 150 Gb të dhëna, i përpunon me anë të machine learning dhe qëllimi i tyre është që të zbulojnë nëse po ndodh diçka me organizimin tuaj që ju duhet ta dini. Ne të gjithë kemi probleme, por e rëndësishme është që të gjendet në fazën zero ose fazën e parë, kur mund të kurohet menjëherë.
Trajtimet që vijnë në të ardhmen e afërt do të jenë trajtimet me anë të qelizave burimore. Këto qeliza janë të afta për të kuruar sëmundjet autoimune dhe sëmundje të tjera. Është pikërisht placenta e njeriut, e cila hidhet për 99.999% të kohës në plehëra, burimi më i pasur dhe më i bollshëm i qelizave burimore.
Këto qeliza janë të privilegjuara imunologjikisht dhe kjo do të thotë që ju mund t’ua jepni këto qeliza burimore nga një placentë e vetme qindra apo edhe mijëra individëve.
Tashmë ka plot trajtime të tjera që janë në vazhdim e sipër. Keni dëgjuar për eksperimentet e reja të gjakut që ndodhin në Silicon Valley, ku ju transfuzoni gjakun e një personi të ri tek një person i moshuar. Ekziston një molekulë e quajtur GDF11 që duket të jetë molekula që është përgjegjëse për këtë efekt rinovimi. Elevian është duke e komercializuar këtë molekulë të veçantë.
Kompani të tjera si Unity Biosciences po punojnë për gjetjen e qelizave të dëmshme në trupin tuaj dhe shkatërrimin e tyre, në mënyrë që të ndalohet rritja e tyre dhe të mos kthehen në kancerogjene. Por kur këto qeliza fillojnë të bëhen inflamatore, mund të dëmtojnë trupin tuaj. Dhe kështu Unity Biosciences po punon për mënyrën se si i gjen dhe i asgjeson ato, duke bërë që qelizat burimore të kenë më shumë hapësirë që të rritin inde të reja dhe të shëndetshme.
Këto trajtime do të vijnë online për t’ju ndihmuar të rrisni jetëgjatësinë tuaj, por përsëri këshillohet që ju të hani mirë, të flini mjafueshëm dhe të bëni stërvitje.
burimi: BI
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
