Çfarë na mëson Prince, artisti legjendar pioner, rreth kreativitetit?


Prince, një muzikant pioner dhe kreativ, vdiq dje në moshën 57 vjeçare. Ky artist që ndryshoi rregullat e lojës në muzikë e shkriu talentin e tij të veçantë në funk dhe rock në 39 albume në studio duke krijuar klasiket si “Purple Rain” dhe “Little Red Corvette“. Muzika e tij e dyshimtë tërhoqi vëmendje që nga fillimi, duke i dhënë atij 7 çmime Grammy dhe duke inspiruar yje të popit si Justin Timberlake deri te artistë alternativë si Beck dhe The Weeknd.

Ai ishte i njohur për muzikën dhe sjelljen e tij jo të zakonshme. Ai njihet se ndryshoi emrin e tij në një simbol të pashqiptueshëm dhe pretendonte se ishin ëngjëjt që e kishin kuruar nga epilepsia. Këto histori shpeshherë hidhnin hije mbi atë dhe lëvizjet e tij pionere për të mbrojtur të drejtat e muzikës së tij, veçanërisht gjatë erës dixhitale. Karriera e tij zgjati më shumë se 35 vjet, ai shiti më shumë se 100 milionë albume në të gjithë botën dhe tregoi fuqinë e muzikantit të vërtetë dhe kreativitetit të vërtetë.

Disa mësime që mësojmë të gjithë nga ky artist legjendar:

Ai mendonte jo si i zakonshëm

Prince kur ishte vetëm 18 vjeç kur nënshkroi një marrëveshje me Warner Bross në 1977-n. Ajo marrëveshje erdhi me shumë guxim dhe vendosmëri në vetvete. Ashtu siç kujton ai në këtë artikull të Rolling Stones, “Kur isha 16 vjeç, isha tërësisht pa asnjë të ardhur dhe duhet të gjeja një punë dhe mora Faqet e Verdha dhe nuk mund të gjeja qoftë edhe një gjë,” ka thënë ai. “Kështuqë vendosa se do të mundohesha me të gjithë shpirt se do të bëhesha muzikant dhe atë bëra.”

Ai u rrit me audiencën e tij

Karriera e tij afro prej 4 dekadave është cilësuar nga disa se ka tërhequr audiencat më të ndryshme nga ana racore në muzikë. Prince ka shpjeguar për një intervistë me Tavis Smiley se “Ndërsa po njihja personalitetin tim dhe po kuptoja se kush isha, nuk flisja kurrë me audiencën. Dhe kur nuk dëshiron të flasësh me audiencën tënde, atëherë ata mund të rriten me ty.”

Ai ishte një artist i vërtetë

Prince shkruante qindra këngë për veten dhe për të tjerët. “Manic Monday“? Nga Prince. “Nothing Compare 2 U“? Prince. Ai ishte kaq pjellor, kur marrëdhëniet me “Warner Bros” po prisheshin, ai mund t’i përmbushte obligimet e tij pa regjistruar muzikë të re, duke patur albume me materiale që ia vlenin. Vitin e kaluar, ai regjistroi një këngë të inspiruar nga vdekja e Freddie Gray, në të cilën ai luante të gjitha instrumentat. Gati çdo gjë e frymëzonte atë të krijonte. Ashtu sikur ka thënë edhe vetë në atë kohë, “Me gjithë ato gjëra që ndodhën këtë javë, kisha shumë gjëra për të nxjerrë nga vetja.”

Prince-artisti-legjendar-pioner-rreth-kreativitetit-businessmag

 

Ai luftonte për punën e tij

Ai i bëri publike mosmarrëveshjet e tij me drejtuesit e lartë të kompanisë së regjistrimit, duke shkruar “skllav” në fytyrën e tij dhe madje duke ndryshuar edhe emrin në një simbol të pashqiptueshëm kur Warner Bross tha se zotëronte emrin e tij.
Ai ishte madje në mes të të paktëve artistë të parë të mëdhenj që u grindën më titanët dixhitalë si YouTube dhe Ebay për të mbrojtur përdorimin e paautorizuar të punës së tij. Në atë kohë, në një deklaratë në emrin e tij shkruhej: “YouTube…është padyshim e aftë të filtrojnë materiale pornografike dhe pedofilike por zgjedh të mos filtrojë muzikën e paautorizuar dhe përmbajtjen e filmave gjë që është thelbi i suksesit të biznesit të saj.”

Ai bënte “të pabërën”

Ai njëherë iu afrua një gruaje ndërsa shokët e tij e paralajmëruan se ajo ishte një përndjekëse e cila ulej jashtë studios së tij të regjistrimit Paisley Park në Minneapolis. Ashtu siç e shpjegoi në një intervistë për Neë Yorker “’Hej, të gjithë miqtë më thonë se je një përndjekëse. Dhe se duhet të njoftoj policinë. Por nuk dua ta bëj këtë, ndaj që pse nuk më thua se çfarë kërkon që të ndodhë. Përse je këtu? Çfarë fundi do të ketë kjo?’ Por ajo nuk kishte një përgjigjie për këtë. Në fund të fundit, gjithçka që dontë ajo ishte të binte në sy, që unë ta shikoja atë. Ajo iku, dhe nuk u kthye më kurrë.”

Ai eksperimentoi

Në 2004-n, Prince shiti më shumë se 600,000 kopje të albumit të tij Musicology falë një lëvizje jo të zakonshme të shitjes së këtij albumi. Ata që blenë biletat për shfaqjen e tij morën nga një kopje të albumit e cila bëri që të rriteshin shitjet e tij. 3 vite më vonë ai shpërndau kopje të albumit të tij Planet Earth për abonuesit e Daily Mail, 3 milionë kopje. Përfitimi i Prince? “Marketingu i tij direkt.”

Ai nuk ishte skllav i fansave të tij

Kur skuadra ligjore e Prince bëri kërkesën që foto të caktuara të Prince të hiqeshin nga website i fansave, këta të fundit u bashkuan kundër tij. Prince u përgjigj me një këngë ofenduese për këta fansa, madje edhe duke i kërcënuar ata. “Nuk më intereson edhe aq se çfarë thonë të tjerët rreth meje,” ka shpjeguar më vonë në një intervistë të rrallë televizive. “Është zakonisht një reflektim i asaj që janë ata.” Kjo përqasje e bëri të dallohej. Dhe kur erdhi fjala për fansat që e kishin mospërfillur, kjo gjë bëri që vetëm ta donin më shumë ata.

Ai i kuptonte njerëzit

Po, ai vishte kadife dhe taka. Por ishte gjithashtu edhe një burrë nga Minneapolis i cili vishte çorape të bardha me sandale. Prince nuk e fshihte se ishte human, por dinte si t’i bënte gjërat më intriguese. Ashtu siç ka shpjeguar në një intervistë “Të qënit seksi ekziston brenda mendjes. Kur e humbet atë, është vetëm një lëkurë e vjetër.”

Ai mund të shkruante

Muzika e tij edhe pse shkruhej për të frymëzuar dhe madje për të sfiduar, shpeshherë bënte më shumë se aq. Kush është aq i fortë sa që të rrijë në vend pa lëvizur kur dëgjon “Let’s Go Crazy“, teksti i së cilës ishte një refleksion sentimental i mungesës së kuptimit të jetës? Prince mund të kuptonte një realitet të errët dhe sërish të bënte të kërceje. “Nëse ashensori mundohet të të sjellë poshtë, ngjitu një kat më lart.” Prince dinte si ta bënte një turmë të grumbullohej.

 

/Shkruar nga Linda Lacina dhe publikuar nga Entrepreneur.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale