Pak ditë më parë Elon Musk prezantoi Roadster e ri dhe Semi. Të paktën sipas numrave, mendohet që ato të jenë makina më e shpejtë dhe kamioni më i shpejtë i prodhuar ndonjë herë. Nga sa është përmendur,Roadster përshpejton nga 0 në 100km/h në vetëm 1.9 sekonda. Kurse Semi, për 5.0 sekonda. Ato pritet të jenë mjete revolucionare jo vetëm për kompaninë, por edhe për industrinë në tërësi. Makinat me djegie të brendshme, për pak kohë do t’i posedojnë vetëm puristët.
Lexoni: Kjo është Tesla Roadster, makina më e shpejtë e prodhuar ndonjëherë
Tesla ka avantazh gjithashtu edhe çmimin. Roadster i ri do të kushtojë rreth $200.000. Ndërkohë që për të njëjtën performancë, të duhet të paguash mbi $500.000 për një makinë të zakonshme. Tesla gjithashtu ka edhe një “cool factor” për shkak të të qënit elektrike. Makinat e shpejta tashmë nuk blihen më vetëm nga që me të vërtetë i njohin makinat. E vetmja gjë që mund ta ndali Tesla, janë vetëm problemet e saj të brendshme me prodhimin.
Por, një ide ka lëvizur nëpër mendjet tona për shumë kojë.
Çfarë mendon një person në moshë për një Tesla?
Në rastin konkret, Roosi, një zonjë 92 vjeçare nga Tallinn i Estonisë, prezantohet për herë të parë me një Tesla Model X. Ajo ka një jetë të tërë që drejton një automjet. Por, të gjitha këto kanë qenë kryesisht makina të epokës sovjketike. Makina e saj është një Moskvitch i prodhuar 43 vitë më parë. Kjo kompani është krijuar në vitin 1929, e cila deklaroi falimentin në vitin 2002. Ndihma e shteti Rus bëri që kjo kompani të “jetonte” edhe për pak kohë.
Ajo është një makinë minimalistike, po aq sa fuqia e saj motorrike. Një mjet transporti, i cili ka mundur t’i bëjë ballë kohës.
Por çfarë mendon zonja Roosi për një Tesla Model X?
https://youtu.be/S92YHx4Vqe0
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
