Për një person normal, 3 orë e gjysmë janë një kohë e gjatë për të qëndruar ulur. Por jo për CEO-n e Google, Sundar Pichai, të cilit iu desh të priste kaq gjatë duke iu përgjigjur pyetjeve të Kongresit.
Ai nuk u tregua i paduruar, por u përgjigj me qetësi. As kur një anëtar i Kongresit tha se Google mund të manipulonte rezultatet e kërkimit për arsye politike. As kur u përball me pyetje të pa menduara mirë. Epo një pyetje idiote meriton një përgjigje idiote, por jo, Pichai u tregua më gjakftohtë. Ai u përgjigj me respekt, si për senatorin dhe për forumin ku ishin. Madje e përdori situatën për të dhënë një mësim.
Ai nuk bëri furça, nuk u tregua i cekët, apo nuk përdori zhargonin e tepërt, duke folur qartë dhe metodikisht, në një mënyrë që dukej se tregonte se ai vërtet dëshironte që pikat e tij të kuptoheshin nga të gjithë dhe puna e tij është një akt shërbimi publik. Kjo është pikërisht meritë e inteligjencës emocionale.
Si mund të jemi më shumë si Pichai? Niveli i inteligjencës së tij emocionale është një cilësi e admirueshme që e bën të duket një njeri të pathyeshëm.
Nga njëra anë ajo që do na ndihmonte mund të ishte, praktikë, praktikë, praktikë. Studioni më shumë nga daljet publike të Pichai. Shikoni sjelljen e tij me ndërgjegjësimin e shtuar dhe merrni parasysh se ku mund të përfshini tipare të admirueshme në ditën tuaj të përditshme.
Ju gjithashtu duhet të merrni në konsideratë se CEO i një prej korporatave më të mëdha të botës ka shpenzuar pjesën më të madhe të kohës duke iu përgjigjur pyetjeve para audiencave të rëndësishme. Ai është një prind (i cili mund t’ju mësojë durimin) dhe vjen nga një realitet i varfër (që mund t’ju mbajë me këmbë në tokë). Në Google, ai është i njohur (dhe popullor) për një person të qetë dhe të vëmendshëm.
Qoftë një kombinim i cilësive të mësipërme ose të thjeshtë një cilësi gjenetike që e mbajti Pichai të qetë në mes të stuhive, stili i tij i udhëheqjes stoike përshtatet mirë me Google (dhe punonjësit e tij).
Nëse po “kërkoni” një model udhëheqësi të vërtetë, Pichai mund të jetë një nga rezultatet më të mira që do të hasni.
/INC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
