Çeliku, një sipërmarrës serial në Kosovë, lider i komunitetit të sipërmarrësve të rinj e inovatorë në Kosovë do të flasë mbi rrugëtimin e tij, si u bë i suksesshëm dhe për të ardhmen e Startupeve në ICT, në takimin e radhës të përmuajshëm të organizuar nga Garazh në Telekom Community Store , E Martë, 26 Prill, ora 18:00.
Kush është Çelik Nimani?
Çelik Nimani është i diplomuar në Inxhinieri nga Universiteti i Prishtinës dhe një kandidat për Master në Menaxhim Biznesi. Folës profesionist i tre gjuhëve, ai ka një eksperiencë të fortë menaxheriale dhe një bekground në Industrinë Dixhitale. Që prej vitit 2011 ai mentoron dhe ndihmon themeluesit e startupeve të reja nëpër të gjithë Europën Lindore, nëpërmjet kontributit si lehtësues dhe organizator vullnetar për Startup Weekend/ UP Global.
Për shumë vite tashmë, si një sipërmarrës, inxhinier dhe zhvillues komunitetesh është i përfshirë në startup-et dhe rrjetin e sipërmarrësve në Europën Lindore.
Emrin e tij mban kompania e themeluar rishtazi prej tij “Zombie Soup”, një kompani kreative e specializuar në ofrimin e zgjidhjeve për mobile dhe web dhe ndihmon në ndërtimin e produkteve për kompanitë. Gjithashtu Zombie Soup është partnere e kompanisë “venture”me bazë në Shtetet e Bashkuara të Amerikës, Stacked.
/Business Mag Albania
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
