Çelet Panairi i Biznesit në Cërrik, i pranishëm ministri Haxhinasto - Business Magazine Albania

Çelet Panairi i Biznesit në Cërrik, i pranishëm ministri Haxhinasto


Ministri i Transportit dhe Infrastrukturës Edmond Haxhinasto, ka marrë pjesё në Panairin e Biznesit, i pari i këtij lloji zhvilluar në qytetin e Cёrrikut. Ministri Haxhinasto tha se ky panair synon të kthehet në një traditë për zonën e Cёrrikut, për të promovuar produktet bujqësore, blegtorale dhe të tekstileve të zonës.

“Jemi të impresionuar nga ky panair, që krijon një traditë të re në këtë ditë të shënuar që është edhe festa e Brigadës së Dumresё. Ky panair tregon se kjo zonë, ka një traditë shumë të mirë, një bazë shumë të mirë për të konkurruar jo vetëm me tregun e vendit, por për të shkuar edhe më tej, në eksport. Nga natyra e produkteve në këtë panair, është e qartë se vëmendja është kthyer te prodhimi, jo vetëm te tregtimi. Disa nga produktet këtu ishin shumë impresionante, më kanё bërë shumë përshtypje prodhuesit e copave dhe rrobave të punës, të cilët kanë arritur të mbyllin gjithë qarkun e prodhimit dhe po pёrgatiten të jenë prezentё edhe në tregun ndërkombëtar, që është njё zhvillim i jashtëzakonshëm për këtë zonë. Shumë mbresëlënëse janë produktet bujqësore dhe blegtorale, që kjo zonë shquhet. Ashtu siç kemi thënë edhe në fillim të këtij mandati dhe po realizohet me sukses nga kryetari i Bashkisë dhe nga Qeveria që e mbështet, duhet ta kemi vëmendjen drejt prodhimit vëndas bujqësor dhe blegtoral. Sot kemi produkte që konkurrojnë me produktet vendase dhe nga importi. Për të gjithë zonën është zhvillim pozitiv, sepse është vetëm 50 minuta larg nga Tirana, dhe gjithë ky prodhim duhet të dalë patjetër në tregun e Tiranës, dhe jo vetëm por edhe të eksportit”.

Në këtë panair morën pjesë 40 biznese, 35 nga zona e Cёrrikut dhe 5 nga qarku Elbasanit.

Ministri Haxhinasto gjithashtu mori pjesë edhe në ceremoninë e vendosjes së kurorave me lule me rastin e 73 vjetorit të krijimit të Bataljonit të Dumresë.

 

/Business Mag Albania

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0