Lajme
Kreditimi i ekonomisë shqiptare nga bankat pëson rënie, preferojnë të investojnë jashtë
Bankat e nivelit të dytë kanë qenë vazhdimisht në qendër të kritikave për hezitim në kreditimin e ekonomisë. Banka e Shqipërisë apo Institucione të tjera finaciare kanë theksuar më shumë se një herë nevojën e lehtësirave në dhënien e kredive. Por pasiguria dhe frika e humbjes së kredive, siç po ndodh me afro 20 % të tyre, të konsideruara kredi të këqija, i ka frenuar bankat që t’i japin para biznesit në Shqipëri. Disa të thëna të publikuara nga revista Monitor tregojnë se në mungesë të kreditimit të ekonomisë, bankat kanë zgjedhur t’i vendosin paratë e tyre në institucione jashtë vendit. Në 9 mujorin e këtij viti investimet e tyre jashtë janë rritur me 207 milionë euro.