Bujqësia 2016- Mbi 12 mijë fermerë përfitues të mbështetjes financiare nga subvencionet

Bujqësia 2016- Mbi 12 mijë fermerë përfitues të mbështetjes financiare nga subvencionet


Ministria e Bujqësisë ka planifikuar për vitin 2016 të japë mbështetje financiare për projektet e 12 mijë fermerëve në të gjithë vendin, me synim stimulimin e përdorimit të teknologjive të zhvilluara që nxisin rritjen e prodhimit.

Burime nga dikasteri i Bujqësisë bëjnë të ditur se, politikat mbështetëse për bujqësisë gjatë këtij viti do të adresojnë investime në përmirësimin e infrastrukturës së ujitjes dhe kullimit, promovimin dhe implementimin e standardeve të sigurisë ushqimore si dhe masa për formalizimin e sektorit të peshkimit dhe të bujqësisë në tërësi.

Në vitin 2015 u dhanë 3.3 miliardë lekë në formën e mbështetjes për fermerët. Nga skemat kombëtare të 2015-s, në vlerën 1.6 miliardë lekë përfituan 10 800 fermerë, ku pesha kryesore u përdor për investime. Nga përmirësimi i efektivitetit të skemave mbështetëse do të rritet në 12,000 numri i fermerë përfitues për vitin 2016.

Krahas programit të subvencionimit, këtë vit qeveria në bashkëpunim me BERZH-in do të vërë në zbatim një fond prej 75 milionë euro si garanci të posaçme për bankat që do gjenerojnë 300 milionë euro kredi për fermerët. Kjo nuk është skema e parë e garancive financiare për sektorin privat adresuar bujqësisë, sektori që jep 20 për qind të prodhimit kombëtar dhe punëson gati gjysmën e popullsisë.

/ATSH/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0