Britania e Madhe po përballet për herë të parë pas 11 vjetësh me recesion, pra rritje ekonomike negative për dy periudha 3-mujore të njëpasnjëshme. Shkaku kryesor për recesionin është pandemia e koronavirusit.
Ekonomia britanike pësoi rënien e saj më të madhe në mes të prillit dhe qershorit pasi masat e bllokimit të koronavirusit ishin më të ashpra. Në këtë periudhë ekonomia u tkurr 20.4% krahasuar me tre muajt e parë të vitit.
Sektori më goditur ishte padyshim turizmi. Jonathan Athow, statisticien për të dhënat ekonomike, tha se:
“Ekonomia filloi të rritet përsëri në qershor me rihapjen e dyqaneve, fabrikat filluan të rritnin prodhimin dhe ndërtimi nisi punën. Përkundër kësaj, prodhimi i brendshëm bruto (PBB) në qershor mbetet ende 15 përqind nën nivelin e tij në shkurt, para se të goditej virusi.”
Të dhënat zyrtare tregojnë se kjo është tkurrja më e madhe që është raportuar nga ndonjë ekonomi tjetër e madhe.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
