Dhoma Kombetare e Permbaruesve jep alarmin se nje udhezim i nxjerre nga Ministria e Financave ne bashkepunim me ate te Drejtesise ka bllokuar gjithe sherbimin permbarimor te vendit.
“Sherbimi permbarimor eshte ne kolaps dhe ne 90 per qind e aktivitetit te tij eshte pezulluar. Kjo duket qarte ne dosjet e regjistruara, te cilat mund t’i shikoni tek te dhenat e Ministrise se Drejtesise, numri i te cilave eshte shume ne renie per shkak te ketij udhezimi”, deklaron Petrit Qarri, kryetar i Dhomes Kombetare te Permbaruesve.
Udhezimi, i cili ka hyre ne fuqi dy muaj me pare, ndryshon tarifat qe bankat paguajne per sherbimin permbarimor, duke i kthyer ato nga fikse ne tarifa ne baze te suksesit. Por sipas permbaruesve, skema e re eshte lene evazive dhe kjo ka krijuar ngerçin.
“Vete bankat nuk gjejne dot konsensus se si t’i afrohen sherbimit permbarimor permes tenderit te suksesit. Nuk dine se ke do te quajne sukses dhe ke do pranojme ne si sukses. Problemi i dyte eshte mbeshtetja e Policise se Shtetit. Drejtori i pergjithshem ka dhene nje urdher, i cili eshte ankimuar ne gjykate, ku specifikohen rastet e veçanta se kur do mbeshtetet sherbimi permbarimor privat”, nenvizon Qarri.
Veç kesaj, sipas permbaruesve, udhezimi i ri ka dhe gabime teknike qe e bejne ate te pazbatueshem ne terren. “Shpenzimet i jane dhene pales debitore. Ka gabime teknike”, shton kryetari i Dhomes se Permbaruesve.
Shqiperia eshte vendi me nivelin me te larte te kredive te keqija ne rajon, me rreth 25 per qind. Forcimi i ekzekutimeve permbarimore ka qene nje nga rekomandimet kryesore te FMN-se dhe Bankes Boterore per te ulur rreziqet ne sistemin financiar dhe ekonomine e vendit.
Top Channel
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
