Në Shqipëri, rritja e një biznesi matet me xhiro, klientë dhe zgjerim tregu. Por në momentin që një kompani vendos të hyjë në tregun europian, metrikat ndryshojnë. Aty nuk mjafton ambicia, kërkohen struktura, dokumentim dhe përputhshmëri.
Me hyrjen në fuqi të Ligjit nr. 124/2024 “Për mbrojtjen e të dhënave personale”, Shqipëria ka harmonizuar legjislacionin e saj me GDPR, rregullorja europiane që prej vitit 2018 ka transformuar mënyrën si funksionojnë bizneset në BE. Sot, çdo kompani që mbledh të dhëna klientësh, punonjësish apo partnerësh duhet të provojë se di çfarë përpunon, pse e përpunon, si e mbron dhe si reagon në rast shkeljeje.
GDPR nuk njeh kufij gjeografikë
Nëse kompania juaj përpunon të dhëna të qytetarëve europianë, qoftë edhe një klient italian, gjerman apo francez, jeni subjekt i të njëjtit regjim sanksionesh si një kompani në Milano apo Berlin. Gjobat arrijnë deri në 20 milionë euro, ose 4% të qarkullimit global vjetor. Nuk është e nevojshme të kesh zyrë në Europë për t’u sanksionuar si kompani europiane. Mjafton të kesh një klient europian.
Ligji 124/2024 është një filtër i ri tregu. Ai ndan bizneset informale nga ato të ndërtuara për të qëndruar. Kur partnerët ndërkombëtarë pyesin “A jeni compliant?”, përgjigjja nuk mund të jetë retorike.
Studio EON: Ekspertiza e ndërtuar mbi praktikë reale
Studio EON është krijuar në Itali në vitin 2008, me fokus të qartë tek mbrojtja e të dhënave dhe standardet europiane. Prezente në Shqipëri që prej vitit 2016, kur GDPR hyri në fuqi në 2018, EON ishte struktura e parë që mori rolin e Data Protection Officer për kompani me operim ndërkombëtar, duke zbatuar në praktikë rregullat europiane në një treg që ende nuk ishte plotësisht i ndërgjegjësuar për to.
Me profesionistë me mbi 20 vite eksperiencë, EON punon mbi analizë reale risku, ndërtim procesesh të brendshme, trajnim stafi dhe asistencë gjatë auditimeve, duke mbuluar GDPR, NIS2, DORA dhe Ligjin 124/2024. Jo politika për dosje, por procese që funksionojnë kur autoritetet trokisin në derë.
Pyetja e vërtetë nuk është nëse bizneset shqiptare duan të rriten.
Por nëse janë gati të përballen me standardet e asaj rritjeje.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto