Bitcoin vështirë të tregtohen në Shqipëri, por ka grupe që verifikojnë transaksionet

Bitcoin vështirë të tregtohen në Shqipëri, por ka grupe që verifikojnë transaksionet


Kriptomonedhat kanë filluar të njihen e eksplorohen së fundmi në Shqipëri, por ende nuk kuptohen nga pjesa më e gjerë e popullsisë. Kjo vjen si pasojë e skepticizmit nga media apo institucionet shtetërore por edhe për shkak të barrierave në akses për transaksionet.

Megjithatë, në Shqipëri ekzistojnë individë a grupe individësh, të cilët kanë konfiguruar të ashtuquajturat “mining pools”, të cilat bëjnë verifikim për transaksionet Bitcoin dhe përfaqësojnë një pjesëmarrje aktive në rrjet. Verifikimi i transaksioneve nga minatorët e mban rrjetin të sigurt nga mashtrimet, thonë inxhinerët IT. Protokolli të cilit Bitcoin i mbivendoset, i ashtuquajtur Blockchain (zinxhir blloqesh), eleminon nevojën e palëve qëndrore, për shembull, institucionet financiare që njohim sot, dhe mundëson ndërveprim mes palëve të  cilat nuk i besojnë njëra-tjetrës.

Me gjithë vizionin e krijuesit të Bitcoin në 2008, aktualisht Bitcoin nuk po përdoret si mjet shkëmbimi por shihet si mundësi investimi duke qenë se për shkak të sasisë së limituar të përcaktuar në kod, çmimi rritet sa herë që njerëzit blejnë. Në qarkullim ka 21 milionë bitcoin, ndërsa janë blerë 15 milionë.

Në këtë aspekt, mendimet skeptike rreth Bitcoin e krahasojnë kriptomonedhën me skemat piramidale.

Lexoni: https://businessmag.al/eshte-bitcoin-nje-skeme-ponzi/

Përtej dyshimeve që lindin nga kriptomonedhat, teknologjia Blockchain shihet si revolucionare në atë që mund të përdoret veçmas kriptomonedhave, për shembull në industri të ndryshme duke mundësuar palë të ndryshme të ndërveprojnë politikisht në mënyrë të decentralizuar. Ky revolucion pritet të jetë i ngjashëm me atë të viteve ’90 kur bota njohu internetin.

Artiona Bogo, zhvilluese Blockchain në kompaninë SAP, ka zhvilluar këto ditë një sërë takimesh informuese në Tiranë. Një prej takimeve të zhvilluara në ambientet e Neww Media Communication, Mindset 3 Consulting dhe Business Magazine Albania u përqëndrua te aplikimet e Blockchain dhe sesi Blockchain përdoret për inovacion social. Në lidhje me Bitcoin, Artiona shprehet se mbetet për t’u parë por si njeri i teknologjisë nuk ka investuar me qëllime spekulative, por është besuese e vizionit që krijuesi i Bitcoin i parashtroi botës ne 2008.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0