Bashkëthemeluesi i Microsoft, Bill Gates, i cili kaloi dekada duke ndërtuar botën e teknologjisë, ka treguar se ka një profesion që nuk do ta zgjidhte kurrë. Në një intervistë të improvizuar me yllin e NBA-së, Stephen Curry, Gates foli për pikat e tij të forta dhe të dobëta, duke pranuar se nuk do ta shijonte një rol si shitës apo si profesionist i marketingut.
I vendosur në rolin e një të riu të apasionuar pas inxhinierisë, që kishte lënë studimet, Gates tha: “Nuk jam i natyrshëm në shitje apo marketing; më pëlqen më shumë të fokusohem tek krijimi dhe përcaktimi i produkteve.”
Forca te produkti, jo te fjalët
Siç raportoi Business Insider, Gates theksoi se edhe pse nuk është tërhequr nga arti i bindjes, pasioni i tij është zhvillimi i produkteve dhe teknologjisë. “Për një pozicion ku je i përfshirë në krijimin e produkteve dhe përcaktimin e veçorive të tyre, kjo është ajo që më magjeps,” – tha ai. “Kam ndjekur historinë e industrisë, kam lexuar për gabimet e bëra, ndaj tek produkti jam shumë i fortë.” Kur Curry e pyeti: “Cilat janë pikat e tua të forta dhe të dobëta? Dhe si do t’i përdorje në një punë në ekip?”, Gates u përgjigj: “Nuk di shumë për marketingun. Nuk do ta shijoja të isha shitës.”
Rëndësia e punës në ekip
Gates foli gjithashtu për domosdoshmërinë e punës në një ekip të larmishëm. Ai pranoi se nuk sjell ekspertizë në marketing, por e gjen veten të plotësuar kur punon me njerëz që kanë këto aftësi.
“Nëse je pjesë e një ekipi që kupton klientët, shitjet dhe marketingun, kjo nuk është diçka që unë e sjell. Por do të më pëlqente shumë të punoja me ta,” – u shpreh bashkëthemeluesi i Microsoft.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
