BERZH do të forcojë mbështetjen për kompanitë ndërsa kriza e koronavirusit thellohet


Banka Evropiane për Rindërtim dhe Zhvillim (BERZH) po planifikon të rrisë mbështetjen e saj, për kompanitë në rajonet ku ajo operon, për t’i ndihmuar ato të merren me ndikimin e thellë të pandemisë, Koronavirus (Covid-19).

Banka, e cila investon në 38 ekonomi në zhvillim, bën të ditur se po përgatit një paketë masash për t’ua paraqitur aksionarëve për miratim.

Lexo: Kryeministri Rama komunikon direkt me qytetarët

Propozimet pritet të përfshijnë krijimin e një “kornize të qëndrueshmërisë” për klientët ekzistues, që do të siguronin likuiditet afatshkurtër emergjent, kapital qarkullues, financim tregtar dhe ristrukturim për kompanitë me baza të forta biznesi, të prekur përkohësisht nga kriza.

Kjo synon të jetë një përgjigjie e shpejtë për nevojat e kompanive, që vuajnë nga efektet e koronavirusit dhe trazirave globale ekonomike që kanë pasuar.

Sipas BERZH, paketa e re e masave të urgjencës vjen pasi BERZH po premton mbështetje të fortë në përgjithësi për vendet e saj ku operon dhe ka arritur një nivel rekord investimesh prej 10.1 miliardë eurosh në vitin 2019.

Ekonomistët e BERZH presin që rezultati ekonomik të ndikojë drejtpërdrejt në të gjitha rajonet ku operon, në Azinë Qendrore dhe gjithashtu në Evropën Lindore dhe Kaukazin, Rusinë dhe Evropën Jug-Lindore.

Vendet që janë shumë të integruara në zinxhirët e furnizimit global dhe kanë varësi të drejtpërdrejtë në veçanti nga Kina dhe Evropa, ka të ngjarë të vuajnë më shumë nga virusi. Industria e turizmit ka të ngjarë të preket në shumë prej vendeve të BERZH.

Lexo: E gjithë QSUT në gjendje gatishmërie

Rënia e fundit e çmimeve të naftës, do të ndikojë gjithashtu në vendet prodhuese të naftës.

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale