Kryeministri Rama komunikon direkt me qytetarët

Kryeministri Rama komunikon direkt me qytetarët


Për shkak të virusit Corona, Shqipëria, ashtu si e gjithë bota po përjeton një situatë kritike. Qytetarët kanë nevojë për kujdes mjekësor, po aq sa edhe për mbështetje psikologjike.

Pacientët e prekur dhe ata të dyshuar, janë tashmë nën kujdesin dhe kontrollin e mjekëve të Spitalit Infektiv, ndërsa pjesa tjetër e qytetarëve e kanë kthyer vëmendjen nga shteti dhe qeveria.

Kryeministri Rama, përveç masave shtrënguese dhe vendimeve që po merr për t’a mbajtur nën kontroll situatën, ka zgjedhur edhe të komunikojë direkt me qytetarët.

“Edi jam! Të lutem laj duart shpesh. Mos lëviz nga shtëpia për qejf. Hap dritaret sa të mundesh. Ruaju nga informacioni i rremë. Mos ki frikë, po bëj shumë kujdes. Për çdo shenjë merr 127. Të përqafoj nga larg!”.

Ky është mesazhi i shkruar, që kryeministri u ka dërguar qytetarëve në celularët e tyre. Gjithashtu, qytetarët kanë pasur mundësi t’a dëgjojnë këtë tekst edhe si mesazh zanor, pasi në rast se bën një telefonatë, fillimisht merr mesazhin zanor me zërin e Edi Ramës.

Gjithashtu, kryeministri ka publikuar edhe një video gjatë së cilës lante duart dhe këshillonte qytetarët të bënin vazhdimisht të njëjtën gjë.

Edhe në komunikimet e vazhdueshme, gjatë së cilave Rama ka përcjellë vendimet e marra, ka këshilluar vazhdimisht qytetarët të mos kenë frikë, por të bëjnë kujdes.

Më herët, kryeministri u shpreh se do t’a kalojmë këtë situatë, ashtu siç e kaluam me sukses situatën e tërmetit. “Virusi Corona po na paralajmëron, ndryshe nga tërmeti, që na mori 51 jetë pa na paralajmëruar”, ka thënë ai.

Ai u bën thirrje të gjithë qytetarëve të qëndrojnë në shtëpi, të mos dalin për qejf dhe të kujdesen për shëndetin e tyre.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0