Bëje pjesë të leximeve të kësaj vere numrin 21 të Revistës së Businessmag


Vera me pushimet e saj mund të na japë më shumë kohë në dispozicion për të lexuar. Numri i ri i revistës së Businessmag sapo ka dale online dhe të ftojmë ta Shkarkosh e ta kesh pjesë të listës tënde të leximeve.

Në këtë numër ka çështje interesante si zhvillimet më të fundit në teknologji dhe projektimet e kësaj fushe në të ardhmen e afërt. Ku po shkon teknologjia dhe cili është roli i pazëvendësueshëm i njeriut? SmartWork solli në Shqipëri presidentin e grupit në një forum, ku mbajti një fjalim interesant për teknologjinë.

Arsimi ka marrë një trajtim të gjerë në këtë numër. Disa anketa, intervista dhe kërkime të zhvilluara nga ne sjellin një panoramë se ku është arsimi shqiptar, cilat janë sfidat tona e ato mbarëbotërore. Ju kujtojmë se ky vit nisi me protesta të studentëve për cilësi arsimi e përfaqësim më të mirë, por zgjidhjet si: punësimi i studentëve ekselentë nëpër ministri, nuk prekën thelbin e shqetësimit të studentëve. Megjithatë, mes profesorëve ka shumë prej tyre që frymëzojnë dhe mund të cilësohen burim frymëzimi për karrierë e kontribut pozitiv në shoqëri. Ne kemi sjellë disa prej tyre, të përzgjedhur nga dy anketa të bëra online me studentë e të punësuar.

Në këtë numër mund të njihni më mirë “Think Big”, produktin mediatik të Businessmag dhe New Media Communications. Rreth asaj çfarë ndodhi në gjysmën e parë të këtij cikli emisionësh, çfarë pritet në sezonin e dytë dhe përshtypjet e përvojat e stafit të angazhuar direkt në këtë realizim.

Rreth tregut të sigurimeve do të mund të lexoni një intervistë me CEO-n e kompanisë Sigma Interalbanian VIG Klaidi Çitozi.

Nëse ke interes të veçantë në fushën e marketingut dixhital mos humb detajet nga konferenca e ndjekur nga ne e Spark.me, zhvilluar në Mal të Zi.

Disa prej sekreteve të pa thëna në fushën e marketingut mund të vlejnë si një marketer apo edhe klient i përditshmërisë.

Mes historive të markës, këtë radhë kemi zgjedhur Birrën Korça. Tradita e saj nis me një investimin italo-shqiptar. Këto dhe shumë të tjera mund të shfletosh gjatë një pushimi në zyrë, ose nën çadrën e plazhit.

Duke shpresuar të marrësh informacione të vlefshme e të këndshme, të urojmë një verë të mbarë!

Shkarko Këtu versionin online të numrit 21 të Revistës. Ndërkohë, version print është i disponueshëm gjatë javës së parë të muajit Gusht, të cilën mund ta porosisni online.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale