Bëhu një zë më shumë në OKB

OKB

Samiti i OKB-së, që zhvillohet çdo vit në Nju Jork, këtë herë i ka nisur punimet më 15 shtator, krejt ndryshe nga çdo sesion tjetër në historinë prej treçerek shekulli të kësaj organizate: po zhvillohet online, për shkak të pandemisë aktuale globale.

Ç’ka do të thotë se nëpër korridoret e zhurmshme dhe ndonjëherë të tejmbushura të selisë së OKB-së në Nju Jork, presidentët e figurat e famshme globale nuk po ndeshen me njëri- tjetritn. Pjesa më e madhe e liderëve nuk janë personalisht aty dhe takimet po zhvillohen virtualisht, por kjo nuk do të thotë që rrotat e diplomacisë globale dhe zhvillimit të qëndrueshëm nuk do të rrotullohen me shpejtësinë e zakonshme.

Lexoni: Miliarderi që dëshiron të vdesë i varfër, dhuroi të gjithë pasurinë e tij

Ky vit pandemie përkoi me 75- vjetorin e themelimit të Organizatës së Kombeve të Bashkuara. Pavarësisht prej kufizimeve të diktuara nga Covid-19, një gjë nuk ka ndryshuar për OKB-në: dëshira dhe misioni për të përmirësuar jetën e kombeve dhe njerëzve në mbarë globin.

Theksi te paqja, siguria, ekonomia, shëndetësia, arsimi etj… që tashmë duhen analizuar e trajtuar në të tjera dimensione që po na dikton ky normalitet i ri- Covid 19. OKB-ja po planifikon t’i ndërtojë strategjitë e së ardhmes mbështetur jo thjesht në kontributin e ekspertëve të saj, por kësaj here, edhe në idetë dhe mendimet e njerëzve në të gjithë globin.

Për të mbledhur këto mendime, Organizata e Kombeve të Bashkuara ka nisur prej disa muajsh fushatën #UN75, për plotësimin e një pyetësori, i cili na jep të gjithëve mundësinë të themi fjalën tonë, për të ardhme të përbashkët më të mirë e më të sigurtë. Ky pyetësor, i cili është publikuar prej muajsh, është plotësuar nga qindra e mijëra njerëz në mbarë globin dhe nga mijëra shqiptarë gjithashtu.

Samiti do të na i zbulojë së shpejti prespektivat e së nesërmes, bazuar mbi të dhënat e pyetësorit që do të vijojë të shpërndahet nëpër botë, edhe këtu në Shqipëri, deri në fund të dhjetorit. Ndaj nëse nuk e ke plotësuar ende, kliko tani në https://un75.online/?lang=alb

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale