Evropa është pranë dhënies së dritës jeshile për një vendim që mund të sjellë një revolucion, ose më saktë, një rikthim në të shkuarën, sa i përket rregullave për udhëtarët që fluturojnë me avion. Nëse miratimi jepet, brenda pak javësh pasagjerët do të mund të marrin në bagazhin e dorës lëngje edhe mbi kufirin prej 100 ml, i cili ishte i lejuar deri tani gjatë udhëtimeve ajrore.
Kjo masë mund të vihet në zbatim falë skanerëve të teknologjisë së avancuar të vendosur në aeroporte, që janë në gjendje të zbulojnë substanca të mundshme eksplozive. Aktualisht, propozimi është duke u shqyrtuar nga Konferenca Evropiane e Aviacionit Civil (ECAC) dhe i nënshtrohet kontrolleve të mëtejshme teknike. Kufiri prej 100 ml u vendos në vitin 2006, si pjesë e një riorganizimi të madh të kontrolleve në aeroporte pas ngjarjeve të 11 shtatorit 2001.
Lexo edhe:Çanta origjinale ”Hermès” e Jane Birkin shitet për 10 milionë dollarë!
Lajmi vjen pasi pajisjet më të fundit të kontrollit, të cilat ishin pezulluar për arsye sigurie vitin e kaluar, pritet të riaktivizohen në kapacitet të plotë në ditët në vijim. Në disa nga aeroportet kryesore italiane, si në Milano Malpensa dhe Linate, Roma Fiumicino, Bergamo, Catania, Bologna dhe Torino, pasagjerët do të mund të marrin sërish me vete në bagazhin e dorës parfume apo shishe të mëdha me ujë, verë dhe vaj, pa qenë nevoja t’i nxjerrin gjatë kontrollit të sigurisë. Vendimi për të lejuar këtë ndryshim historik pritet të zyrtarizohet më 25 korrik nga Konferenca Evropiane e Aviacionit Civil (ECAC), që do të miratojë versionin e përditësuar të algoritmit të skanerëve Hi-Scan 6040 CTiX. Këto pajisje moderne, që lejojnë kontroll të avancuar dhe të sigurt pa kufizime të rrepta, janë instaluar vetëm në një pjesë të aeroporteve. Kjo do të thotë se për momentin, ky lehtësim do të vlejë vetëm për udhëtarët që nisen nga këto pika, të cilat përpunojnë rreth 70 milionë pasagjerë në vit. Për aeroportet e tjera, për të cilat mungojnë ende këto teknologji, rregullat ekzistuese për kufizimet e lëngjeve do të vazhdojnë të zbatohen.
Çfarë ndryshon konkretisht për udhëtarët nga aeroportet mbi të cilat ka informacion aktualisht se këto pajisje i disponojnë?
Mund të mbani në bagazh dore shishe me lëngje mbi 100 ml, nuk është më e nevojshme t’i nxirrni ato për kontroll si edhe kontrolli i sigurisë bëhet më i shpejtë dhe më pak stresues.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
