Eurozona do të vijojë të luftojë me një inflacion të lartë (7% në Prill) edhe në 2023, ndërsa vitin e ardhshëm rinis rritja ekonomike.
Komisioni i BE-së hodhi poshtë rrezikun e recesionit, ndërsa theksoi se rritja do të jetë graduale, me inflacion të lartë erdhe për disa muaj.
Në parashikimin e rregullt ekonomik për 20 vendet që ndajnë euron, ekzekutivi i BE-së tha se produkti i brendshëm bruto do të rritet me 1.1% këtë vit dhe 1.6% në 2024. Shkurtin e kaluar, ai parashikoi rritje përkatësisht 0.9% dhe 1.5%.
Komisioneri i ekonomisë i BE-së, Paolo Gentiloni ka theksuar se, “në 2024, rritja pritet të forcohet. Zbutja e inflacionit gradual, zgjerimi i vazhdueshëm i punësimit dhe rritja e fortë e pagave parashikohen të nxisin të ardhurat reale tek familjet. Edhe pse inflacioni total i eurozonës ra në një mesatare prej 8 përqind në tremujorin e parë të 2023, nga 10% në tremujorin e fundit të vitit të kaluar. Ai vijon të mbetet i lartë. Ne besojmë se çmimet e mallrave do të vazhdojnë të bien këtë vit, pjesërisht për shkak se problemet e zinxhirit të furnizimit zvogëlohen. Presim që inflacioni të arrijë në 5.6% këtë vit dhe 2.6% vitin e ardhshëm.”
Ai ka lënë të kuptojë se do të ketë rritje të mëtjeshme të normave të interesit. “Rritja e pagave u bë në vitin 2022 dhe priten rritje më të konsiderueshme të pagave këtë vit si pasojë e rritjeve të ndjeshme të pagave minimale në disa vende dhe në përgjithësi për shkak të presionit nga punëtorët për të rikuperuar fuqinë blerëse të humbur.”
Lexo: Alexa së shpejti mund të jetë në gjendje të krijojë “përralla para gjumit”
Gentiloni tha gjithashtu se lufta e vazhdueshme në Ukrainë do të vijojë që të hedhë një hije të gjatë pasigurie mbi ekonominë e BE-së.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
